Көкшетау мектебінің аумағында 18 жастағы қыз өлі күйінде табылды, деп хабарлайды Qazaqpress Kaztag.kz-ке сілтеме жасап.
«20 шілде күні сағат 9:50-де «102» арнайы нөміріне Әуелбеков көшесі, 177 бойындағы 16 орта мектептің аумағында асылып тұрған қыздың денесі табылғаны туралы телефон хабарламасы келіп түсті», — деп хабарлады жұма күні Ақмола облыстық полиция департаментінің баспасөз қызметі.
Оқиға орнына Көкшетау қалалық ІІБ тергеу-жедел тобы жіберілді. Тәртіп сақшылары төтенше жағдай орнын тексеріп, мәйіт сот-медициналық сараптамаға мәйітханаға жіберілді.
«2004 жылы 18 қыркүйекте туған Көкшетау қаласының тұрғыны қыздың жеке басы анықталды. Аталған факті бойынша ҚР Қылмыстық кодексінің 105-бабының 1-бөлігі (өзін-өзі өлтіруге итермелеу) бойынша сотқа дейінгі іс қозғалды. Сараптама тағайындалды, оқиғаның себептері мен мән-жайын анықтау шаралары жүргізілуде», — деп қосты полиция.
Фото дереккөзі: 2gis.kz
Discussion about this post