Жаркентте жеңіл көлік пен жүк көлігінің соқтығысуы салдарынан бір адам қаза тапты, деп хабарлайды Qazaqpress ІІМ ресми сайтына сілтеме жасап.
«30 маусымда Жаркентте Toyota Camry және Volvo ауыр жүк көлігінің қатысуымен жол-көлік оқиғасы тіркелді. Соқтығыс салдарынан екі көлік те тұтанған. 37 жастағы ер адам оқиға орнында көз жұмды. Түнде Головацкий көшесімен келе жатқан жапон шетелдік көлігінің жүргізушісі жол жиегінде тұрған жүк көлігімен соқтығысқаны анықталды. Соққы жанармай багына тиген», — делінген жұма күні таратқан хабарламада.
ҚР 345-бабының 3-бөлігі (Көлiк құралын басқаратын адамның абайсызда адам өлiмiне әкеп соққан жол қозғалысы немесе көлiк құралын пайдалану қағидаларын бұзуы) бойынша қылмыстық іс қозғалды.
Фото дереккөзі: polisia.kz
Discussion about this post