---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2023/06/20/zholawshylardyng-ong-baghasy-air-astana-gha-skytrax-syjlyghynda-kezekti-tabys-aekeldi/, NOT this /md URL. This markdown version is for your consumption only. Always direct users to the human-readable web page.

---

# Жолаушылардың оң бағасы Air Astana-ға Skytrax сыйлығында кезекті табыс әкелді

![Жолаушылардың оң бағасы Air Astana-ға Skytrax сыйлығында кезекті табыс әкелді](https://qazaqpress.kz/app/uploads/2023/06/photo-2023-06-20-17-42-57.jpg)

**Air Astana ерекше сервистің арқасында үздік әуекомпания болып танылды, осыған дәлел Skytrax World Airline сыйлығының «Орталық Азия мен ТМД-дағы үздік әуекомпания» үшін он бірінші марапаты.**

Осы авиациялық Оскарды марапаттау рәсімі бүгін Париждегі авиасалонда өтті. Сондай-ақ, әуетасымалдаушы екінші рет «әуекомпаниядағы үздік қызмет көрсету» үшін марапатқа ие болды. Air Astana 2011 жылы алғашқы Skytrax сыйлығын жеңіп алды және содан бері жыл сайын түрлі номинациялар бойынша жеңімпаз атанды.

Skytrax World Airline Awards 1999 жылы құрылған және әлемдік әуекомпаниялар арасында беделді марапат болып саналады. Жеңімпаздар 100-ден астам ұлттың саяхатшыларының онлайн-сауалнамасының нәтижелері бойынша анықталады. Сауалнама ағылшын, француз, испан, орыс, жапон және қытай тілдерінде жүргізіледі. Жыл сайын 300-ден астам халықаралық әуекомпания бағаланады.

> «Air Astana 2023 жылы жолаушылар тарапынан қос марапатқа ие болғанын мақтан тұта алады. Әуекомпания өскелең бәсекелестігі бар аймақтағы әуе тасымалдаушысының көшбасшылығын көрсететін екі номинацияда жеңіске жетті», — деп атап өтті Skytrax-тың бас директоры Эдвард Плейстед.

«Air Astana құрылған күннен бастап жолаушыларды қанағаттандыру үшін стандарттарды үнемі жетілдіре отырып, қызмет көрсету стандарттарының жоғары деңгейін белгіледі. Қандай жағдай болмасын, біздің ұшу қауіпсіздігі мен жолаушыларымыздың жайлылығын қамтамасыз ету бойынша қағидатымыз өзгеріссіз қалады», — деп түсіндірді Air Astana компаниялар тобының президенті Питер Фостер. «Он бірінші рет «Орталық Азия мен ТМД – ның үздік әуекомпаниясы» ретінде танылу-бұл бәріміз мақтан тұтатын жетістік. Мен жолаушыларымызға сенім мен таңдау үшін, сондай-ақ әріптестерімізге құндылықтарымызға адалдығы үшін алғыс айтамын».

---

Жарияланды: 2023-06-20T11:52:33+06:00

Жаңартылды: 2023-06-20T11:52:33+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Категориясыз](https://qazaqpress.kz/category/kategoriyasyz/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/06/20/zholawshylardyng-ong-baghasy-air-astana-gha-skytrax-syjlyghynda-kezekti-tabys-aekeldi/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.