Атырау-Ақтөбе тас жолында болған апаттан төрт баласы бар ата-ана көз жұмды

Атырау-Ақтөбе тас жолында болған жол апатынан төрт баласы бар ата-ана көз жұмды, деп хабарлайды Qazaqpress ҚР ІІМ ТЖК баспасөз қызметіне сілтеме жасап.

«18 маусым күні сағат 09:10 шамасында Атырау-Ақтөбе тас жолында «Лада Приора» көлігі мен «Ютонг» автобусының қатысуымен ірі жол-көлік оқиғасы болды. 1985 жылы туған, 2013 жылы туған, 2016 жылы, 2019 жылы, 2021 жылы туған жолаушылар қайтыс болды. Lada Priora көлігінің 1982 жылы туған жүргізушісі алған жарақатынан Атырау облыстық ауруханасында қайтыс болды», — делінген хабарламада.

Зардап шеккендер төрт баласы бар ерлі-зайыптылар, яғни бір отбасы.

Қазір тергеу амалдары жүргізілуде.

Фото дереккөзі: Polisia.kz