Жетісу облысындағы тас жолдан қару-жарақ пен оқ-дәрілер сақталған қойма табылды, деп хабарлайды Qazaqpress ҚР ІІМ баспасөз қызметіне сілтеме жасап.
«13 маусымда Ұйымдасқан қылмысқа қарсы күрес басқармасының жедел қызметкерлері мен ҰҚК қызметкерлерінің күшімен Сарқан қаласының маңында қару қоймасы анықталды. Қару мен оқ-дәрілер Сарқан-Екиаша тас жолының 5 шақырымындағы суағардың жанынан табылған полиэтилен пакетке салынған», — делінген сәрсенбі күні таратқан хабарламада.
Анықталғандай, жеті патронмен жабдықталған «Байкал» тапаншасы, бір ауызды аңшы мылтығы, 12 калибрлі кесілген шолақ мылтық, сериялық нөмірі жоқ белгісіз маркалы газ тапаншасы тәркіленді. Сондай-ақ әртүрлі калибрлі 105 патрон.
«Байкал» тапаншасының Талдықорған қаласында 2022 жылғы қаңтар оқиғасы кезінде ұрланғаны анықталды», — деді Жетісуға облыстық ұйымдасқан қылмысқа қарсы күрес басқармасының бастығы Сарқытбай Құсайынов.
Фото дереккөзі: polisia.kz
Discussion about this post