Қазақстанда 2023 жылдың қаңтар-сәуірінде қызметкерлерді жазатайым оқиғалардан міндетті сақтандыру бойынша сақтандырушылардың сыйлықақылары 55,9%-ға өсті, деп хабарлайды Qazaqpress Қаржы нарығын реттеу және дамыту агенттігіне сілтеме жасап.
«Жыл басынан бері міндетті сақтандыру бойынша 59,3 млрд теңге сақтандыру сыйлықақысы жиналды, бұл өткен жылдың сәйкес кезеңімен салыстырғанда 31,5%-ға артық. Өсім негізінен қызметкерлерді жазатайым оқиғалардан міндетті сақтандыруда болды, сақтандырудың осы сыныбын ерікті жеке аннуитеттік сақтандырумен біріктіруді есепке алғанда 54,9%-ға немесе 8,2 млрд теңгеге өсті», – делінген шолуда.
Құжатқа сәйкес, 2023 жылдың төрт айында сақтандыру шарттары бойынша қабылданған сақтандыру сыйлықақылары 2022 жылдың сәйкес кезеңімен салыстырғанда 18%-ға өсіп, 322,5 млрд теңгені құрады.
Сурет көзі: pixabay.com
Сіз жаңалықтар туралы не ойлайсыз