Иран мен Ауғанстан шекарасындағы қақтығыстан кемінде үш адам қаза тапты, деп хабарлайды Qazaqpress Kaztag.kz-ке сілтеме жасап.
«Сенбі күні таңертең тәліптер Забул ауданындағы Сасоли шекара бекетін атқылай бастады, нәтижесінде екі шекарашы қаза тауып, екі бейбіт тұрғын жараланды», — деп хабарлайды IRNA.
Өз кезегінде Талибан кем дегенде бір талибанның қаза тапқанын мойындады.
«Бүгін Нимроз провинциясында ирандық шекарашылар Ауғанстанға қарай оқ жаудырды, оған жауап қайтарылды. Шайқас кезінде екі жақтан бір адам қаза тауып, көп адам жарақат алды», — деп келтіреді Khamaa Press Ауғанстан ішкі істер министрлігінің баспасөз хатшысы Абдул Нафи Такордың сөзін.
Екі ел арасындағы кикілжіңге су дауы себеп болған. Атап айтқанда, Иран Ауғанстанды 1973 жылғы келісімде қарастырылған Гильменд өзенінен суды босату бойынша өз міндеттемелерін орындамады деп айыптады. Өз кезегінде тәліптер судың жетіспейтінін және оның Иран аумағына жетпей жатқанын алға тартады.
Discussion about this post