Алматыда 30 тамызға дейін бірнеше көше жылу желілерін қалпына келтіру үшін жабылады, деп хабарлайды Qazaqpress ҚазАқпаратқа сілтеме жасап.
«Алматы жылу жүйесі» кәсіпорнының мәліметінше, 10 мамырдан 30 тамызға дейін Алматыда жылу желілерін жоспарлы қайта құрылымдауға байланысты бірнеше көше бойынша автомотокөліктердің қозғалысы шектеледі:
– Медеу ауданында Қазыбек би көшесімен (Уәлиханов көшесінен Абдуллиндер көшесіне дейін) өтетін жол жабылады;
– Бостандық ауданында қозғалыс Ганди көшесімен («Нұрсұлтан Назарбаев қоры» ЖҚ-дан Батыс Желтоқсан көшесіне дейін) тоқтатылады.
«Енгізілген шектеулер аталған көше сегменттерінің жүріс бөлігінің астынан өтетін құбырларды қайта құрылымдау бойынша жұмыстардың қауіпсіздігін қамтамасыз ету үшін қажет. Жергілікті тұрғындарға қолайлы жағдайды сақтау үшін үйлерге ыстық су уақытша схема бойынша берілетін болады»,- деп хабарлады «Алматы жылу желілері» ЖШС баспасөз қызметінен.
Сіз жаңалықтар туралы не ойлайсыз