Балалар үшін жұқпалы аурудан сақтанудың ең тиімді әрі жалғыз тәсілі — вакцинациялау.
Бұл туралы №36 қалалық емхананың мектеп дәрігері Мұхаметжан Сабырқұл айтып берді.
Екпе бүлдіршіндер мен жасөспірімдерді көптеген аурулар және ауыр асқынудан сақтайды.
«Вакцинасыз біз қызылша, менингит, пневмония, сіреспе, полиомиелит және т.б. күрделі аурушаңдық қаупіне шалдығамыз. Бұл аурудың көбі өмірге өте қауіпті. Екпенің арқасында біз ауруды жұқтырмаймыз, не онымен жеңіл ауырамыз, өлім салдары да төмендеді. Әрбір ата-ана профилактикалық екпе баланы қорғайтынын білуі тиіс!», — деп баса айтты маман.
Вакцинациялау кезінде адам ағзасына ауруды тудыратын микроорганизмнің бөлшегі болып саналатын еш зияны жоқ антигендер енгізіледі. Иммундық жүйе қорғаушы жасушалар — антиденені өндіретін лимфоциттерді бөліп шығарады, иммундық жүйе осы сәтте аурушаңдықты жоюға дайын болады.
Вакцинациялау алдында дәрігер баланың жалпы жай- күйін тексеріп, денсаулығына шағым туралы сұрап, температурасын өлшейді және баланың денсаулығы құжатын оқып зерделейді.
«Соңғы уақытта екпеге қарсы адамдар көбейді: ата-аналар балаларына екпе салудан бас тартып жатыр, себебі, оның салдарынан қорқады. Вакцинациялаудан бас тарту нәтижесінде денсаулыққа күрделі зиян келтіру қаупі вакцинациялаудан болатын қауіпке қарағанда әлдеқайда жоғары болады. Мәселен, сіреспе қатты шыдамас ауырсынуды тудырып, дене құрысып, тромбоз пайда болады, ал, қызылша болса энцефалитке (бас миының инфекциясы) және соқыр болып қалуға әкелуі мүмкін.
Вакцинамен жойылатын көптеген ауру, тіпті өліммен аяқталуы мүмкін. Әр баланың екпе алуға құқығы бар. Бұл өмір сүру құқығымен тең. Екпеден бас тартқаныңыз — өз балаңыздың өмірі мен денсаулығына қауіп төндіргеніңіз! — деп атап өтті дәрігер.
Сіз жаңалықтар туралы не ойлайсыз