---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2023/04/20/taldyqorghan-bilim-boelimining-qyzmetkerleri-2-milliard-tengge-zhymqyrdy-degen-kuedikke-ilindi/, NOT this /md URL. This markdown version is for your consumption only. Always direct users to the human-readable web page.

---

# Талдықорған білім бөлімінің қызметкерлері 2 миллиард теңге жымқырды деген күдікке ілінді

![Талдықорған білім бөлімінің қызметкерлері 2 миллиард теңге жымқырды деген күдікке ілінді](https://qazaqpress.kz/app/uploads/2023/04/photo_111799.jpeg)

**Талдықорған қалалық білім бөлімінің қызметкерлері миллиардтаған қаржы жымқырды деген күдікке ілінді, деп хабарлайды Qazaqpress Tengrinews.kz-ке сілтеме жасап.**

Сыбайлас жемқорлыққа қарсы қызмет Жетісу облысының прокуратурасының үйлестіруімен Талдықорған қаласының білім бөлімінің қызметкерлерін ұстады.

> — Аталған азаматтар білім беру саласында іс жүзінде жұмыс істемейтін үлестес тұлғалардың пайдасына жалақы түріндегі өтеусіз аудару жолымен аса ірі мөлшерде бюджет қаражатын жүйелі негізде ұрлады деп күдіктенеді. Алдын ала келтірілген залал сомасы шамамен 2 миллиард теңге, — делінген хабарламада.

Қазіргі таңда істің мән-жайларына тиесілі 29 жылжымайтын мүлік объектісіне, қымбат автокөліктерге тыйым салынды. Күдікті адамдар ұсталып, соттың санкциясымен қамауға алынды.

Сотқа дейінгі тергеу жалғасып жатыр.

ҚПК-нің 201-бабына сәйкес тергеу мүддесі үшін өзге ақпарат жария етуге жатпайды.

> — Сонымен бірге, Конституцияның 77-бабы 3-тармағының 1-тармақшасына және Қылмыстық-процестік Кодексінің 19-бабы 1-бөлігіне сәйкес, қылмыстық құқық бұзушылық жасаудағы кінәсі соттың заңды күшіне енген үкімімен белгіленгенге дейін әрқайсысы кінәсіз деп есептеледі, — деп толықтырды вдеомство.

---

Жарияланды: 2023-04-20T01:57:21+06:00

Жаңартылды: 2023-04-20T01:57:21+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Басты](https://qazaqpress.kz/category/basty/), [Категориясыз](https://qazaqpress.kz/category/kategoriyasyz/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/04/20/taldyqorghan-bilim-boelimining-qyzmetkerleri-2-milliard-tengge-zhymqyrdy-degen-kuedikke-ilindi/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.