---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2023/04/06/shymkentting-eks-aekimi-dinara-aelzhangha-qatysty-pikir-bildirdi/, NOT this /md URL. This markdown version is for your consumption only. Always direct users to the human-readable web page.

---

# Шымкенттің экс-әкімі Динара Әлжанға қатысты пікір білдірді

![Шымкенттің экс-әкімі Динара Әлжанға қатысты пікір білдірді](https://qazaqpress.kz/app/uploads/2023/04/666be87630f235f3bfb2b1250a986dad-e1680262641804.jpg)

**Болат Назарбаевтың бұрынғы тоқалы екенін мәлімдеген Динара Әлжан «Уақыт көрсетеді» YouTube-арнасында Шымкенттің экс-әкімі Ғабидолла Әбдірахымовпен де арақатынасы болғанын жариялаған еді, деп хабарлайды Qazaqpress Turkystan.kz-ке сілтеме жасап.**

Динара Әлжан сұхбат барысында Шымкенттің экс-әкімі Ғабидолла Әбдірахымовтан алған жалпы сомасы 70 мың долларды қалай жұмсағанын да айтқан еді.

Ал Ғабидолла Әбдірахымов бірнеше күн бойы бұқаралық ақпарат құралдары мен әлеуметтік желіні шулатқан ақпаратқа қатысты пікір білдіріп, бәрі жалған екенін айтты.

> «Иә, оқыдым, көрдім, бірақ бұл ақпарат шындыққа жанаспайды әрі сандырақ!» – деді ол.

Бірақ Шымкенттің бұрынғы әкімі Динара Әлжанмен таныс екенін жоққа шығармады.

> «Таныспын, егер мұны солай атауға болса. Бірде Шымкентте досымның жұбайының мерейтойына шақырылдым. Әнші Динара Әлжан осы іс-шарада басқа шақырылған эстрада әртістерімен бірге өнер көрсетті. Мұндай іс-шараларда әдетте болатындай Динара Әлжан бірге суретке түсуді өтінді. Бұл сурет  сол жерден», – деп түсіндірді Ғабидолла Әбдірахымов.

Айта кетейік, Динара Әлжан Youtube-тегі «Уақыт көрсетеді» бағдарламасында сұхбат берді. Әңгіме барысында ол Шымкенттегі тойлардың бірінде Әбдірахымовпен танысып, би билегенін айтқан. Динара Әлжан экс-әкім оған үй сатып алуға 70 мың доллар және 20 мың доллар тұратын сырға сыйлағанын мәлімдеді.

---

Жарияланды: 2023-04-06T06:28:16+06:00

Жаңартылды: 2023-04-06T06:28:16+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Категориясыз](https://qazaqpress.kz/category/kategoriyasyz/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/04/06/shymkentting-eks-aekimi-dinara-aelzhangha-qatysty-pikir-bildirdi/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.