Құлағыңыз ауырса, онда тұрғылықты жеріңіз бойынша терапевтке бару керек, ол көрсетілімдер бойынша тар маманға жолдама береді.
Шұғыл ауырсыну және емханаға бару мүмкіндігі болмаған жағдайда жедел отоларингологиялық көмек көрсететін қабылдау бөлімшесіне жүгіну немесе жедел медициналық көмек шақыру қажет, дейді N26 қалалық емхананың отоларинголог дәрігері Гани Айгелдиев.
Оның айтуынша, ЛОР дәрігерлер науқастың үйіне бармайды. Бұның басты себебі білікті медициналық көмек көрсету үшін дәрігер өзімен бірге ала алмайтын мамандандырылған отоларингологиялық жабдықтың қажет болатынына байланысты.
— Құлағыңыз ауырса, ЛОР дәрігеріне жіберетін жалпы тәжірибе дәрігерімен кеңескен жөн. Егер ауырсыну күшейіп, емханаға баруға мүмкіндік болмаса, онда шұғыл отоларингологиялық көмек көрсететін қабылдау бөліміне жүгіну керек, Алматыда бұл №5 қалалық аурухана немесе жедел жәрдем шақыру керек, — деп толықтырды дәрігер.
Гани Айгелдиев отитті уақтылы емдемеу есту қабілетінің жоғалуына әкелуі мүмкін деп атап өтті.
Отит — ауырған құлақтағы іріңді не іріңсіз сипаттағы жіті ауру.
Орналасуы бойынша ауру сыртқы отит, орта отит және ішкі отит болып бөлінеді.
— Ең қауіпті отиттердің бірі — отогендік іріңді менингитке әкелуі мүмкін ішкі отит болып табылады. Орта отит іріңді және іріңсіз катаральды құбылыстарды білдіреді, — деп түсіндірді сарапшы.
Отоларинголог атап өткендей, іріңді отит қауіпті, ол емделмесе, ірің ішкі құлаққа өтіп, есту қабілетінің жоғалуына және менингитке әкелуі мүмкін.
— Отит жіті түрде құлақ жарғағы тесіліп, ірің шыққаннан кейін созылмалы түрге ауысады. Бұл жағдайда отит созылмалы немесе жабысқақ болады, — дейді дәрігер.
Сіз жаңалықтар туралы не ойлайсыз