--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2023/03/31/iran-shametekov-biyl-qala-aekimdigining-granty-bojynsha-oqwyn-ayaqtap-zhatqan-rezident-daerigerlermen-kezdesti/, NOT this /md URL. This markdown version is for your consumption only. Always direct users to the human-readable web page. --- # Иран Шаметеков биыл қала әкімдігінің гранты бойынша оқуын аяқтап жатқан резидент дәрігерлермен кездесті ![Иран Шаметеков биыл қала әкімдігінің гранты бойынша оқуын аяқтап жатқан резидент дәрігерлермен кездесті](https://qazaqpress.kz/app/uploads/2023/03/photo-2023-03-31-11-35-08.jpg) **Қоғамдық денсаулық сақтау басқармасының басшысы өз сөзінде мемлекет бірінші кезекте өз азаматтарының денсаулығына назар аударатынын атап өтті.** Осыған орай Алматы қаласының Денсаулық сақтау саласынлағы кадрлық ресурсын дамыту шеңберінде Алматы қаласының әкімдігі 2021-2025 жылдар аралығында жыл сайын жергілікті бюджет есебінен денсаулық сақтау саласында резидент мамандарды даярлауға мемлекеттік білім беру тапсырысын бөліп келеді. Биыл қала әкімдігінің гранты бойынша С.Д.Асфендияров атындағы ҚазҰМУ-да 45 резидент-дәрігер мамандандырылады. Нәтижесінде резидент бағдарламасы бойынша өз білімін шыңдап пульмонолог, физиотерапевт-реабилитолог, балалар инфекционисі, гастроэнтеролог, невропатолог, эндокринолог, невролог және т.б. мамандар шығады. > — Жыл сайын қала халқы өсіп келе жатыр, сондықтан біз кәсіби кадрлардың, атап айтқанда, тар ауқымды мамандардың тапшылығын болдырмауымыз керек. Әрине, кадрлық мәселе сапалы медициналық көмекті қамтамасыз ету кезінде маңызды рөл атқарады. Мемлекеттік қолдаудың бұл шарасы осыған бағытталған, — деп атап өтті Иран Шаметеков. Кездесу аясында қатысушылардың назары, ең алдымен, студенттерді қаланың ведомстволық бағынысты медициналық ұйымдары арасындағы бөлуге аударылды. Ол үшін іс-шараға 8 ауданның медициналық ұйымдарының кураторы шақырылды. Студенттер өздерін қызықтырған сұрақтарын қойып, оларға толық жауап алды. Қазіргі уақытта С.Д.Асфендияров атындағы ҚазҰМУ-жа Алматы қаласы әкімдігінің гранты бойынша резидентураның 29 білім беру бағдарламасы бойынша 183 резидент-дәрігер, 1-курста 99 адам, 2-курста 84 адам оқиды. 2023 жылға қалалық бюджеттен дипломнан кейінгі даярлық бойынша140 білім беру гранты, соның ішінде резидентураға 130 грант, «эпидемиология» мамандығы бойынша 10 магистратура гранты жоспарланған. Салыстыратын болсақ, өткен 2022 жылы жергілікті бюджеттен 120 білім беру гранты қаржыландырылған. ![](https://qazaqpress.kz/wp-content/uploads/2023/03/photo-2023-03-31-11-35-07-300x153.jpg)   ![](https://qazaqpress.kz/wp-content/uploads/2023/03/photo-2023-03-31-11-35-11-300x203.jpg)   ![](https://qazaqpress.kz/wp-content/uploads/2023/03/photo-2023-03-31-11-35-08-1-300x225.jpg)   ![](https://qazaqpress.kz/wp-content/uploads/2023/03/photo-2023-03-31-11-35-12-300x207.jpg) --- Жарияланды: 2023-03-31T05:46:23+06:00 Жаңартылды: 2023-03-31T05:46:23+06:00 Авторлар: [ИА Qazaqpress](https://qazaqpress.kz/author/ia-qazaqpress/) Айдарлар: [Денсаулық](https://qazaqpress.kz/category/densauly%d2%9b/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/03/31/iran-shametekov-biyl-qala-aekimdigining-granty-bojynsha-oqwyn-ayaqtap-zhatqan-rezident-daerigerlermen-kezdesti/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.