--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2023/03/27/erbol-tileshev-til-sayasaty-komitetining-toeraghasy-qyzmetine-taghajyndaldy/, NOT this /md URL. This markdown version is for your consumption only. Always direct users to the human-readable web page. --- # Ербол Тілешев Тіл саясаты комитетінің төрағасы қызметіне тағайындалды ![Ербол Тілешев Тіл саясаты комитетінің төрағасы қызметіне тағайындалды](https://qazaqpress.kz/app/uploads/2023/03/radmin_news_2023_03_27_230327125843395e_w860_h580.webp) **ҚР Ғылым және жоғары білім министрінің бұйрығымен Ербол Ердембекұлы Тілешов Қазақстан Республикасы Ғылым және жоғары білім министрлігі Тіл саясаты комитетінің төрағасы қызметіне тағайындалды, деп хабарлайды Qazaqpress.** Бұл туралы ҚазАқпарат Үкіметтің ресми сайтына сілтеме жасап хабарлайды. Ербол Тілешов 1965 жылы Қарағанды облысында дүниеге келген. Абай атындағы Қазақ Еңбек Қызыл Ту орденді педагогикалық университетін бітірген. 1992-2001 жылдары С. Сейфуллин атындағы Ақмола университетінің қазақ әдебиеті кафедрасында оқытушы, аға оқытушы болып жұмыс істеді. 2001-2002 жылдары Л. Гумилев атындағы Еуразия ұлттық университетінің қазақ әдебиеті кафедрасының доценті қызметін атқарды. 2002-2004 жылдары Л. Гумилев атындағы Еуразия университеті Гуманитарлық институты директоры орынбасарының міндетін атқарушы, директорының орынбасары болды. 2004-2007 жылдары «Республикалық мемлекеттік тілді жеделдетіп оқыту орталығы» РМҚК директорының орынбасары, директоры болып жұмыс істеді. 2007 жылдан 2012 жылға дейін жеке коммерциялық құрылымдарда еңбек етті. 2012-2015 жылдары – Астана қаласы Тілдерді дамыту басқармасы бастығының міндетін атқарушы, басшысы. 2015-2022 жылдары – «Шайсұлтан Шаяхметов атындағы тілдерді дамытудың республикалық үйлестіру-әдістемелік орталығы» РМҚК директорының міндетін атқарушы, директоры, атқарушы директоры. 2022 жылғы наурыздан бастап қазіргі уақытқа дейін «Шайсұлтан Шаяхметов атындағы ұлттық ғылыми-практикалық орталығы» КеАҚ бас директоры қызметін атқарды. --- Жарияланды: 2023-03-27T07:44:05+06:00 Жаңартылды: 2023-03-27T07:44:05+06:00 Авторлар: [ИА Qazaqpress](https://qazaqpress.kz/author/ia-qazaqpress/) Айдарлар: [Білім](https://qazaqpress.kz/category/bilim/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/03/27/erbol-tileshev-til-sayasaty-komitetining-toeraghasy-qyzmetine-taghajyndaldy/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.