N16 Қалалық емхананың онколог маманы Дария Абдигалиева сүт безі обырының пайда болуының негізгі себептері туралы айтты.
Статистикаға сәйкес, сүт безі обыры (СБО) – әйелдер арасында ең көп таралған онкологиялық ауру. Алматы қаласы бойынша сүт безі обыры бес обыр ауруының өлім-жітім құрылымында – 4 орын алады.
Жыл сайын қалада сүт безі обырымен 700-ге жуық әйел анықталады, яғни қалада күн сайын осы патологиямен 2 әйел ауырады.
«Қазіргі уақытта сүт безі обырының бір немесе негізгі себебі жоқ екені анықталды. Аурудың дамуына осы аурудың қаупін белгілі бір дәрежеде арттыратын түрлі факторлар кешені ықпал етеді. Осы факторлардың барлығын екі топқа бөлуге болады: бақыланатын және бақыланбайтын»,- дейді Дария Абдигалиева.
Маманның айтуынша, бақыланбайтын-бұл жас және тұқым қуалаушылық факторлар. Сонымен, сүт безі обырының барлық себептерінің шамамен 10%-ы генетикалық өзгерістерден тұрады.
Бұл аурудың басым көпшілігі негізінен өмір салты, репродуктивті мінез-құлық факторларына және біз өзіміз басқара алатын кейбір басқа факторларға байланысты.
Мысалы, дәрігер айтқандай, сүт безі обырының артуы мен аз қозғалмалы өмір салты, фаст-фуд пен алкогольді асыра пайдалану арасында тікелей өзара байланыс бар.
«Алмасушы процестер – бұл бүкіл медицинадағы ең үлкен проблемалардың бірі. Етеккірдің ерте басталуы, сондай-ақ кеш менопауза сүт безі обырының қаупін екі есе арттырады. Ауруды қоздыратын қосымша аурулар мен факторлардың болуы: гинекологиялық аурулар, атап айтқанда миома, эндометриоз, аденомиоз, қант диабеті, гипотиреоз, сүт безінің қатерсіз ісіктерінің болуы, босанбаған немесе босанғаннан кейінгі лактациясы жоқ әйелдерде сүт безі қатерлі ісігінің пайда болу қаупі 1,5 есе жоғары, жүктіліктің үзілуі де обырдың пайда болу қаупін арттырады»,- дейді дәрігер.
Онколог барлық әйелдерге сүт безінің обырының алдын алудың негізгі шарасы туралы тағы бір рет еске салады, ол – ерте диагностикалау.
«18-20 жастан бастап әрбір қыз өз денесін бақылап, үнемі профилактикалық тексерулерден өтуі керек», – деп атап өтті Абдигалиева.
Ең қарапайым шара – сүт бездерін өздігінен тексеру. Оны айына бір рет, бір күнді белгілеп жасау керек, етеккір аяқталғаннан кейінгі алғашқы бірнеше күнде жасаған тиімді. Кеудедегі кез-келген өсінді, кеуденің сыртқы түрінің өзгеруі, емізіктен бөлінді шығу, емізік немесе ареола пішінінің өзгеруі, терінің қызаруы, терісі тартылған жерлердің пайда болуы, деформация сияқты кез-келген белгілер пайда болған жағдайда дәрігермен кеңесу керек.
«Біздің әйелдер егер менде ештеңе ауырмаса маған дәрігерге барудың қажеті жоқ және УДЗ немесе маммографиядан өту қажет емес деген стереотипін бұзулары керек», – деп қорытындылады онколог.
Естеріңізге сала кетсек, егер сүт безі обыры 0 немесе I сатысында анықталса, онда қазіргі заманауи емдеу әдістерімен оны 100% дерлік емдеуге болады.
Сіздің өміріңіз – өз қолыңызда!
Discussion about this post