Таиландта қайтыс болған Darkhan Juzz лақап атымен танымал қазақстандық музыкант Дархан Жүнісбековтің жұбайы Instagram желісінде марқұмға арнап әсерлі жазба қалдырды, деп хабарлайды Qazaqpress Tengrinews-ке сілтеме жасап.
«Сен көз тиіп кетеді деп суреттерімізді жариялама дейтінсің. Менің, бала-шағаның маңдайларына күйе жағып қоятынсың. Маған әрқашан қолқанат болып, көмектесіп жүретінсің әсіресе балалар дүниеге келген кезде. Оның қандай музыкант болғанын бәрі біледі. Бірақ, оның қандай тамаша жар, әке және ұл болғанын білетіндер аз. Ал, үйге дейін шығарып салған кездеріңде: «Күйеуің боламын, досың боламын, ағаң да, әкең де боламын» дегенің есімде», – деп жазды жесір.
… Айтқаныңның бәрі есімде. Соңғы сөздерің: «Кешіріңдер, уәде берсем де, келуге уақыт таппай отырмын. Мен студиядамын. Қолым босамай жатыр, жұмыс көп. Бірақ, міндетті түрде бәрін тындырған соң уақыт бөлемін», – деп қосты ол.
Сіз жаңалықтар туралы не ойлайсыз