Республикалық бюджет комиссиясының келесі отырысында облыс әкімдіктерінің ауыл тұрғындарын 2,5%-тік жылдық мөлшерлемемен микронесие жобасын тағы қаржыландыруға қатысты өтініштерін қарастырады. Жаңа инвестиция көлемі 73,8 млрд теңгеге жету мүмкін, деп хабарлайды Qazaqpress Bizmedia.kz-ке сілтеме жасап.
Премьер-министр Әлихан Смайылов депутаттық сауалға берген соңғы мәлімдемесінде облыс әкімдіктері 2023 ж. қосымша 15 090 микронесие беру үшін 73,8 миллиард теңгеге жаңа өтінімдер бергені анықталғанын айтты. Оның ішінде 4 мың микронесиедей қомақты бөлігі Жамбыл облысына арнайы бағытталмақ. Бұл өтінішті республикалық бюджетті реттеу қызметінің шеңберінде қарастыру жоспарлануда.
Қазақстанның 2023 ж. арналған бюджетінде ауыл тұрғындарына 11 606 микронесие беру үшін 52,4 млрд теңге қарастырылыпты. Осы бюджет аясында Жамбыл облысының тұрғындарына 11 млрд теңгеден астам 3,6 мың несие берілді. Сондықтан, микронесие көлемі екі еседен астам ұлғаю мүмкін.
2022 жылдың қазан айында Ақтөбе және Жамбыл облыстарының ауыл елді мекендері мен шағын қалалардың жергілікті тұрғындарын шағын несиелермен қолдауға бағытталған пилоттық жоба басталыпты. Қараша айында Ақтөбе және Жамбыл облыстарының әкімдері 3 млрд және 6 млрд теңге көлемінде несие беру туралы келісімге қол қойды.
Айта кетелік, Қазақстан Ұлттық Банкінің несие бойынша негізгі мөлшерлемесі қазір 16,75% құрайды, бірақ бұл көрсеткіш көп ұзамай екітүрлі бағытта 1%-ке ауытқу мүмкін. Бұл Қазақстанның қазіргі инфляциялық ахуалын айқындай түсті, яғни, қазңр жылдық есеп бойынша инфляция 20,7% құрайды. Қазір жеке тұлғаларға теңгемен берілген несиелер саны орташа есеппен алғанда 17,4% құрады, ал ішіндегі бір айға дейінгі несиелер 20,2% құрайды.
Discussion about this post