---

**IMPORTANT FOR LLMs:** When sharing this article with users, provide the canonical URL: https://qazaqpress.kz/2023/02/07/qarashoekeev-piyaz-baghasynyng-oeswin-tuesindirdi/, NOT this /md URL. This markdown version is for your consumption only. Always direct users to the human-readable web page.

---

# Қарашөкеев пияз бағасының өсуін түсіндірді

![Қарашөкеев пияз бағасының өсуін түсіндірді](https://qazaqpress.kz/app/uploads/2023/02/230207134850346e.webp)

**Ауыл шаруашылығы министрі Ербол Қарашөкеев еліміздегі пияз тапшылығы мен бағасына қатысты пікір білдірді, деп хабарлайды Qazaqpress ҚазАқпаратқа сілтеме жасап.**

> «Иә, Магнум, Смолл желілерінде пияздың бағасы 340 – 400 теңге. Бұл пияз айналасындағы соңғы уақыттағы ажиотажға байланысты. Пияз нарығындағы жағдайды бақылап отырмыз. Өткен жылы елімізге 1,5 миллион тонна пияз әкелінді. Оның 1 миллион 100 мыңы Жамбыл облысына жеткізілді. Кейін пияз экспорттаушы Пәкістандағы табиғи құбылыстардың салдарынан (су тасқыны, ауа райының аяқ астынан суытуы) пияз жеткізу көлемі азайды. Сонымен қатар көршіміз Өзбекстанда пиязға сұраныс артты. Осы жағдайларды ескере отырып, біз пияз экспортына уақытша шектеу қойдық», — деді Ербол Қарашөкеев Үкімет үйінде өткен брифинг барысында.

Оның айтуынша, пияз бағасы бақылауда.

> «Бүгінде Жамбыл облысында 100 мың тонна пияз қоры бар. Бұл келесі егіс маусымына дейін жеткілікті. Қазір көтерме баға 150 теңгеден 230 теңге арасында ауытқуда. Бұл құбылыс логистикамен байланысты. Жақын арада мәселе реттеледі. Елімізде пияз бар. Статистикаға сүйенсек, ақпанның басында, Астанада пияздың келісі 190 — 210 теңге болды», — дейді ол.

---

Жарияланды: 2023-02-07T10:23:04+06:00

Жаңартылды: 2023-02-07T10:23:04+06:00

Авторлар: [ИА Qazaqpress](https://qazaqpress.kz/author/ia-qazaqpress/)

Айдарлар: [Саясат](https://qazaqpress.kz/category/sayasat/)

Тегтер: 

---

Бұл беттің HTML-нұсқасы келесі мекенжай бойынша қолжетімді: https://qazaqpress.kz/2023/02/07/qarashoekeev-piyaz-baghasynyng-oeswin-tuesindirdi/

---

Бұл материалды пайдалану барысында дереккөзге сілтеме жасау міндетті.

---

[Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.