Қаскелеңдік авто жүргізуші тағы да шулы оқиғаға тап болды. Жол ережесін елемеген бойжеткен сақтандырусыз көлік жүргізіп келе жатқанын тікелей эфирде айтып, шу көтерді. Алматы облысында оның әрекетіне ширақ шара қолданылды, деп хабарлайды Qazaqpress Экспресске сілтеме жасап.
Желіде «VIP-казашка» деген лақап атқа ие болған жүргізуші ханымының қатысуымен тағы бір жанжалды бейне-ролик пайда болды. Бейнеле бойжеткен көлік жүргізіп, бір уақытта тікелей эфирде бейнежазба түсіріпті және жолда көлік сақтандырусыз жүргізіп келе жатқанын айтыпты.
Алматы облысында бірден шара қолданды. Ведомство жүргізушінің әрекеті әкімшілік заңнаманың бірнеше бабын бұзғанын түсіндірді. 16 қаңтарда авто-ханым қамауға алынып, айыппұл салынды.
«Қарасай аудандық полиция бөлімінің қызметкерлері жедел іздестіру жұмыстарын жүргізіп, нәтижесінде жол қозғалысы ережесін бұзған 2001 жылы туған бейне авторы анықталып, ұсталды.
ҚР Әкімшілік құқық бұзушылық туралы кодексінің 591-бабының 2-бөлігімен (Жүргізуші көлік құралын басқару кезінде телефон немесе радиостанцияны пайдаланғанына қатысты жаза) және 230-бабының 2-бөлігімен (Қазақстан Республикасының міндетті сақтандыру туралы заңнамасын бұзу) әкімшілік құқық бұзушылық бойынша іс қозғалды. Бойжеткенге қатысты Қазақстан Республикасы бойынша әкімшілік хаттамалар жасалып, 20 АЕК (69 мың теңге) көлемінде айыппұл салынды. Ал, өзіне тиесілі Toyota Land Cruiser Prado автокөлігі айыппұл тұрағына қойылды», – деп хабарлады Алматы облысының жол полициясы басқармасының баспасөз қызметі.
Айта кетелік, Қазақстан Республикасы Әкімшілік құқық бұзушылық туралы кодексінің 591-бабының 2-бөлігіне сай жүргізуші көлік құралын басқару кезінде телефон немесе радиостанциямен қолданғаны үшін бір рет әкімшілік жазаға тартылғаннан кейін бір жыл ішінде құқық бұзушылық қайталанса, осы жолы он айлық есептiк көрсеткiш мөлшерiнде айыппұл салынады.
Міндетті сақтандыру шартын жасамағаны үшін Қазақстан Республикасы ӘҚБтК-нің 230-бабының 2-бөлігінде де жеке тұлғаларға қатысты осындай жаза көзделген.
Еске салсақ, 2022 жылдың қараша айында Алматы облысында көлік иесінің айналасында жанжал шыққан болатын. Интернетте оның қатысуымен бейне пайда болды. Бейнеде қыздың темір тұлпар тізгінінде отырып, жол ережесін қайта-қайта бұзып, бағдаршамды елемей, дұрыс емес жерде тоқтағанын көруге болады. Көп ұзамай полиция қызметкерлері ұстаған соң, ол халықтан кешірім сұраған болатын.
Discussion about this post