Жуырда ҚР экс-президент Нұрсұлтан Назарбаев кеңсесінің күтіміне кететін шығынды 1 млрд теңгеге қысқартатынын мәлімдеді, деп хабарлайды Qazaqpress Bizmedia.kz-ке сілтеме жасап.
Биыл Қазақстан үкіметі экс-президент Н.Назарбаевқа қатысы бар екі мекемеге бөлінетін қаржы сомасын сәл азайтты. Нақтырақ айтсақ, экс-президенттің кеңсесі мен оған қатысты барлық қызметтерге 1,6 млрд теңге бөлінді. Соның ішінде 969 миллион теңге тұңғыш президент кітапханасының қызметін қамтамасыз етуге бөлінді.
Айта кетелік, 2020 жылы бұрынғы президенттің кеңсесін күтіп ұстау үшін бюджеттен 2,6 миллиард теңге қомақты қаржы бөлінген болатын. Алайда, 2021 жылы бұл көрсеткіш 2,1 миллиардқа дейін төмендеді.
Назарбаев кеңсесіне бөлінетін қаржы неліктен қысқартылды?
Бұған экс-президенттің зейнеткерлікке шыққаны мен бүгінде Қауіпсіздік кеңесі және ҚХА-да отырмағаны себеп болса керек. Сондықтан, экономикалық тұрғыдан кеңсеге бөлінетін қаржыны қысқарту шешімі орынды көрінеді.
Сіз жаңалықтар туралы не ойлайсыз