Алматыда Мейіржан Төребаев пен қаржы пирамидасын құрып, оны басқарған басқа да күдіктілерге қатысты соттың алдын ала тыңдау процесі жалғасуда, деп хабарлайды Qazaqpress Tengrinews-ке сілтеме жасап.
Сот отырысында прокурордың атынан мемлекеттік айыптаушы сөз сөйледі. Бұған дейін сотталушылар істі прокурордың қарауына қайтару туралы өтініштерін берген болатын.
«Біз сотталушылар мен адвокаттардың өтініштерін тыңдадық. Қылмыстық-процестік кодекске сәйкес, ауыр қылмыстық істер бойынша міндетті түрде алдын ала тыңдау процесін жүргізу керек. Қылмыстық істі прокурорға қайтаруға негіз болатындай заң бұзушылық пен қателіктер болған жоқ деп есептеймін. Қылмыстық істі тоқтатуға негіз жоқ деп ойлаймын», – деді прокурор.
Ол басты сот отырысын ұйымдастыруға ешбір кедергі жоқ екенін айтты.
Сіз жаңалықтар туралы не ойлайсыз