Қазақстанда Еуразиялық экономикалық одаққа (ЕАЭО) мүшелік ететін басқа елдермен салыстырғанда инфляция деңгейі артуда. Соңғы айларда еліміздегі тұтыну бағасы ұйымға мүшелік ететін өзге мемлекеттермен салыстырғанда жоғарылап кетті, деп хабарлайды Qazaqpress Bizmedia.kz-ке сілтеме жасап.
Ұлттық статистика бюросының соңғы мәліметтері бойынша, қараша айында Қазақстанның инфляция деңгейі қазан айымен салыстырғанда 1,4%-ке өскен. Қырғызстанда 1,3%, Арменияда 1,1%, Ресейде 0,4% және Беларусь 1,1% өсті.
Соңғы жылда Қазақстандағы инфляция деңгейі 19,6% құрады, бұл көршілес жатқан Қырғызстанның көрсеткіштерімен салыстырғанда 3,6%-ке жоғары. Беларусьте инфляция деңгейі 13,3% болса, Ресей мен Армения көрсеткіштері 12% және 8,8% өскені анықталды.
Қазақстанда тұрмыстық тауарлардың құны да – 27,9%-ке өсіп кетті. Негізі, бұл көршілес елдердегі кез келген басқа тауарлар мен қызметтердің құнынан жоғары. ҚР бөлек бұл тауар түрінің құны тек Қырғызстанда қымбаттап, 20%-тен асқан болатын.
Қазақстандағы мейрамханалар мен қонақүйлер қызметінің құны да күрт өскені байқалды, есеп барысында шамамен 23,3% құрады. Бұл басқа елдермен салыстырғанда әлдеқайда жоғары. Бағаның өсу тенденциясын азық-түлік пен алкогольсіз сусындар құнынан да байқауға болады, бұл тауарлардың өсімі 24,4% құрады, өзге елдермен салыстырғанда бұл да тым жоғары деп есептеледі. Себебі, ЕАЭО-ға мүшелік ететін елдердің басым бөлігінде инфляция деңгейі 20%-тен кем.
Сонымен қатар еліміздегі көлік қызметтерінің бағасы да өзге елдермен салыстырғанда орташа деңгейден 6,7%-ке жоғары.
Сіз жаңалықтар туралы не ойлайсыз