Индустрия және инфрақұрылымдық даму министрі Қайырбек Өскенбаевтың айтуынша, 2023 жылы Қазақстан автокөлік өндірісін арттыруды көздеп отыр, деп хабарлайды Qazaqpress Bizmedia.kz-ке сілтеме жасап.
Өскенбаев биылғы жылы 11 айдың ішінде Қазақстан 90 мыңнан астам автокөлік шығарғанын айтты. 2023 жылы бұл көрсеткіш одан да артып, 135 000 жетеді деген болжам бар.
Сонымен қатар министр өткен жылы өндіріс көлемі 80 мың көлікті құрағанын хабарлаған еді, бірақ бар болғаны 11 айдың ішінде бұл көрсеткіш 90 мыңға жетті. Ал, жыл соңына дейін 110 мың көлік шығарамыз деген үміт бар.
Айта кетелік, Президент Қасым-Жомарт Тоқаев Алматыға жасаған сапарында Changan, Chery және Haval көліктерін шығаратын автомобиль зауытының құрылысына дем берді. Зауыт құрылысы 2024 жылдың төртінші тоқсанында аяқталады деп болжануда.
Сіз жаңалықтар туралы не ойлайсыз