4 желтоқсан күні кешкі уақытта гаражының ішіндегі жеке көлігінде «Екібастұз» ЖЭО қызметкерінің мәйіті табылды, деп хабарлайды Qazaqpress Bizmedia.kz-ке сілтеме жасап.
Сергейдің мәйіті табылған жерде қазір қайғылы оқиғаның реңі де жоқ. Ер адамның гаражы жабылмаған, ал көлік ізін баяғыдан қар жауып, жойып тастады.
Қайғылы оқиғаны гараж секторының күзетшісі: «Иә, бір оқиға болды, күні кеше бір адам тұншығып қайтыс болған еді», – деп растады.
33 жасар ер адамның артында ата-анасы, әжесі, әйелі және үш жасар қызы қалды.
Полицияның мәліметінше, қайғылы оқиға күні Сергей әйелімен жанжалдасып, гаражға кеткен екен. Алайда, туыстары бұны жоққа шығаруда.
«Олар тату өмір сүрген еді. Ондай ештеңе болған жоқ. Қазір оның әйелін тергеуші тергеп жатыр, ол өзін растай алмайды, бірақ олар жанжалдаспаған…», – деді Сергейдің анасы Валентина Николаевна.
Сонымен қатар тағы бір теория бойынша бұл ЖЭО-дағы ірі апаттың фонында өз-өзіне қол жұмсау болу мүмкін, бірақ Сергейдің ата-анасы бұл пікірді де жоққа шығаруда. Сергейдің әкесі де станцияда жұмыс істейді және бұл нұсқамен үзілді-кесілді келіспеді.
«ЖЭО-да барлығы оны құрметтеп, жақсы көретін. Екібастұзда осының бәрі болған алған кезде (қала жылусыз қалды – автордың ескертпесі) оны шақырып алып, ЖЭО мұндай параметрлерді көрсету мүмкін еместігін растайтын құжаттарды берген еді. Өйткені, оларды қамтамасыз ету үшін бес резервтік сорғы болу керек, ал бізде ЖЭО-да бір ғана резервтік сорғы бар. Мен сонда жұмыс істеймін де, сондықтан білемін. Оның үстіне әкімдіктің бұйрығынсыз ЖЭО мұндай параметрлерді ұсына алмас еді», – деді ол.
Сергейдің әкесі ЖЭО ұжымы туралы жалпақ тілмен айтып, оның жұмысына жалпы көңілі толса да, кәсіпорынға жаңғырту қажет екенін жоққа шығармайды. Бірақ, болған оқиғаға тек ЖЭО кінәлі деген пікірмен де келіспейді.
«Кәсіпорында не болғанын тергеу көрсетеді. Бірақ, баламның басынан өткен оқиғаның кездейсоқ болғанына сенімдімін. Бар болғаны қателік қана», – деді Валентина Николаевна.
Сергеймен қоштасу рәсімі 7 желтоқсанға жоспарланған. Ата-анасының айтуынша, жерлеуге кеткен барлық шығынды кәсіпорын өз мойнына алды.
Discussion about this post