Қазақстанда АӘК есептеу кезінде ең төменгі күнкөріс табысы есепке алынбайды. Енді олар адамның кедейлік деңгейі мен орташа табысын есепке алатын болды, деп хабарлайды Qazaqpress Bizmedia.kz-ке сілтеме жасап.
Еңбек және халықты әлеуметтік қорғау министрі Тамара Дүйсенованың айтуынша, Қазақстанда мемлекеттік атаулы әлеуметтік көмек беру кезінде кедейлік деңгейі мен орташа табыс көзі негізге алынатын болады.
Неліктен АӘК адамның/отбасының кедейлік деңгейін және орташа табыс көзін ескеруде?
Министр бұл әлемдік тәжірибені Қазақстанда қолданысқа енгізбес бұрын Экономикалық ынтымақтастық және даму ұйымына мүшелік ететін елдердің тәжірибесі зерттелгенін айтты. Ол АӘК беру кезінде ең төмен күнкөріс деңгейінің орнына енді орташа табыс көзі мен кедейлік деңгейі ғана есепке алынатынын айтты. Бұл заңнамалық өзгеріс әр отбасының нақты әлеуметтік деңгейін анықтауға арналған.
Мәжілісте Дүйсенова кез келген отбасының кедейлік шегін орташа табысының 60% көрсеткішіне сүйеніп, анықтайтын саясатты жақтады. Оның пайымдауынша, бұл Швеция, Норвегия, Дания, Австрия, Германия және Франция сынды елдегідей кедейшілік көрсеткішін төмендетудің ең тиімді жолы.
Медиандық табыс – «табыс диапазонының» орташа сомасын анықтап, оны екіге бөлгендегі көрсеткіш. Қысқаша айтсақ, бұл жалақы тізімінің қақ ортасында тұрған 1 адамның жалақысы. Бұл көрсеткіш белгілі бір аймақтағы адамдардың қанша табыс табатынын білу үшін арналған.
Сіз жаңалықтар туралы не ойлайсыз