Жақында Қазақстанда азаматтық алу тәртібі қатаңдау мүмкін екені анықталды. Министрлер кабинетінің басшысы Сенат отырысында ұсынылған нормаларды түсіндірді, деп хабарлайды Qazaqpress Bizmedia.kz-ке сілтеме жасап.
Смайылов Қазақстан азаматтығын алу тәртібін қатаңдату мүмкін екенін айтты
Әлихан Смайылов ұсынылған нормалар әзірге үкіметпен келісілуде деді.
«Біз бұл нормаларды қолдаймыз және оларды заңнамаға енгізу қажет деп есептейміз», – деді министрлер кабинетінің басшысы.
Ол Германия, Түркия, Канада және көршілес Ресей сынды т.б. түрлі елдерде азаматтық алу үшін сол елдің мемлекеттік тілі мен тарихын біліп, тиісті емтихан тапсыру керектігін еске салған болатын.
«Бұл талаптар азаматтық алған адамдардың қоғамға тез бейімделуіне септігін тигізетін факторлар. Сондықтан, мұндай емтихандарды міндетті түрде тапсыру керек деп есептейміз. Қазақстан азаматтығын алғысы келетіндер осы талаптарды орындау тиіс», – деді премьер-министр.
Бірақ бұл талаптар Қазақстан азаматтығын алғысы келетін этникалық қазақтар мен кәмелетке толмағандарға және халықаралық шарттарға сәйкес жеңілдетілген тәсілмен азаматтық алатын адамдарға қолданылмайтынын қоса айтты. Яғни, Қазақстан азаматтығын алғысы келетін шетелдіктердің жақын туыстары Қазақстанда тұрып жатса не жұбайы Қазақстан азаматы немесе Қазақстан Республикасының еңбек сіңірген қайраткері болса, ондай тұлғалар Қазақстан азаматтығын жеңілдетілген тәсілмен ала алады.
«Олар азаматтықты жеңілдетілген тәсілмен ала алады. Бірақ, қылмыс жасағандар азаматтық алуға өтініш бере алмайды. Заң жобасы жақын арада парламентке жолданады», – деп түйіндеді сөзін Әлихан Смайылов.
Сіз жаңалықтар туралы не ойлайсыз