Палатаның жалпы отырысында сенатор Нұржан Нұрсипатов жекешелендіру процесінің аясында аса табысты мемлекеттік компаниялар арзан бағамен жеке тұлғалардың қолына өтіп жатқанын айтты, деп хабарлайды Qazaqpress Bizmedia.kz-ке сілтеме жасап.
Сенатор Петропавл ауыр машина жасау зауыты жекешелендірілген компаниялар тізіміне енгізілгенін және 2018-2020 жылдар аралығында технологиялық жаңартуға бюджеттен 4,4 млрд теңге бөлінгенін айтты. Ұзақ жылдар бойы тұрақты дамып келе жатқан Көкшетау қаласындағы «Тыныс» АҚ қорғаныс кәсіпорны да жекешелендіріледі екен.
Сенатор қомақты табыс алып келген, ал капиталы тек мемлекеттік бюджеттен қаржыландырылатын кәсіпорындар енді жарты бағамен аукционға шығарылып жатқанын айтты. Егер аукцион өтпесе, кәсіпорын арзан бағамен сатылады.
Нұрсипатов қорғаныс кәсіпорындарын жекешелендіру жоспарын қайта қарастыру туралы ұсыныс жасап, ондай компаниялар ішінара немесе толық мемлекет меншігінде қалу керек екенін алға тартты.
Сіз жаңалықтар туралы не ойлайсыз