Қазақстанда бала күтімі бойынша жәрдемақы мерзімін 3 жылға дейін ұзарту ұсынылды

Қазіргі таңда Қазақстанда бала күтіміне бөлінетін жәрдемақы 1 жасқа дейін төленеді, алайда жуырда оның мерзімін 3 жылға дейін ұзарту туралы ұсыныс жасалды, деп хабарлайды Qazaqpress Bizmedia.kz-ке сілтеме жасап.

Қазақстан Халық партиясының фракциясы елдегі аналар мен балалардың өмір сүру сапасын жақсартуға бағытталған «Ана мен баланы дамытуға инвестиция» ұлттық жобасын ұсынды. Жоба мақсаты – жүкті әйелдер мен балалы отбасыларға қаржылай көмек көрсету.

Осыған байланысты премьер-министр Әлихан Смайыловқа депутаттардың жолдаған үндеуін Айжан Сқақова оқып берді.

Оның айтуынша, ел ішінде балалар арасындағы кедейлікті жоя алатын бірегеё шара жоқ. Оған қоса, ЮНИСЕФ мәліметтері бойынша, Қазақстанда бір миллион бала әлі де кедейліктің құрсауында. Бұл елдегі әрбір алтыншы бала кедейшіліктен тозып жүргенін білдіреді.

Шыны керек, көрсеткіштер адамды таң қалдырады. Әрине, бұл мәселені мемлекеттік органдар ешқашан да жоққа шығармағанмен, шұғыл түрде назар аударылу керек сияқты. Себебі, бұл құрғақ статистиканың артында кедейшіліктің кесірінен жапа шеккен миллиондаған кішкентай қазақстандықтардың өмірі жасырулы.

Сқақованың айтуынша, үкіметте әзірге балалардың әлеуметтік жағдайын жақсартатын бағдарламаларды жүзеге асырудың стратегиялық бағыты немесе жаңа тәсілдері жоқ. Елбасының бастамасымен жаңа Ұлттық балалар қоры ашылды, бірақ бұл жобаның қалай жүзеге асатыны әзірге белгісіз.

Сонымен қатар А.Сқақова балалар үшін қаржылай көмектің маңызы зор екенін айтты, өйткені олар балалардың негізгі қажеттіліктерін қанағаттандырады деген болатын. Алайда, бұл балаларды әлеуметтік қорғау бағытының жалғыз жолы емес.

А.Сқақова жоғарыда айтылған пікірлеріне қоса, бірқатар мәлімдемелер жасады:

• Үкімет ана мен баланы дамытуды жалпыұлттық басымдық ретінде ұлттық басымдыққа айналдыру керек. Сондай-ақ, «Ана мен баланы дамытуға инвестиция» жобасын қабылдау тиіс;
• Жобаның алғашқы қадамы – балалар арасындағы кедейлікті жою бойынша ұлттық бағдарлама шығару керек;
• Ақылы бала күтімінің мерзімін 3 жылға дейін ұзарту керек;
• Қолдау ретінде 18 жасқа дейінгі барлық балаларға арналған әмбебап жәрдемақы енгізу керек;
• Баланың өмірлік, физиологиялық, білім беру, әлеуметтік, мәдени және өзге де қажеттіліктерін қанағаттандыратын балалар тұтыну қоржынын әзірлеп, енгізу қажет;
• ArtSport балалар спортын қаржыландыру бағдарламасын аяқтап, мүмкіндігінше тез арада қалпына келтіру шараларын қабылдау қажет, – деді ол.