Өскемен қаласында қаңтар оқиғасына қатысқан тағы 2 адам сотталды, деп хабарлайды Qazaqpress ҚазАқпаратқа сілтеме жасап.
ШҚО прокуратурасы баспасөз қызметінің мәліметі бойынша, қалалық сот екі айыпталушыға қатысты үкім шығарды.
«Ер адамдар ҚР Қылмыстық Кодексінің 272-бабы 2,3-бөлігімен (Жаппай тәртіпсіздікке қатысу және шақыру) және 300-бабы 2-бөлігінің 3-тармағымен (Құрамында есірткі бар өсімдіктерді заңсыз өсіру) сотталды. Сот шешімі бойынша бір айыпталушы 4 жылға, екіншісі үш жылға бас бостандығынан айырылды. Үкім әлі заңды күшіне енген жоқ», — делінген ақпаратта.
Discussion about this post