ҚР Индустрия және инфрақұрылымдық даму министрлігінің Азаматтық авиация комитеті Қазақстан мен Мальдив аралдары арасында тұрақты әуе рейстерін ұйымдастыру үшін құқықтық база құрылғанын хабарлады. Яғни, бұдан былай екі ел арасында тұрақты әуе рейсі болады деген сөз, деп хабарлайды Qazaqpress Bizmedia.kz-ке сілтеме жасап.
Аптасына 7 рет Мальдив аралдарына саяхаттауға болады
Екі жақ тарап Халықаралық азаматтық авиация ұйымының 41-сессиясына сай құжатқа қол қойды.
Ол құжатта Мальдив аралдары мен Қазақстан арасында аптасына жеті рет тұрақты рейстерді қамтамасыз ету туралы жазылған.
Енді Мальдив аралдарына визасыз ұшуға мүмкіндік бар екенін еске сала кетелік
9 мамырда Қазақстан Республикасы мен Мальдив Республикасының Үкіметі мемлекеттер арасындағы визалық талапты шектеу туралы келісімге қол қойды, бұл екі ел азаматтарына күнтізбе бойынша 30 күн аралығында шекара асып, ел аумағына кіруге және жүруге мүмкіндік береді. 
Алайда жұмыс, оқу немесе іскерлік мақсатпен сапар шеккен азаматтарда міндетті түрде виза болу тиіс.
Сіз жаңалықтар туралы не ойлайсыз