Енді Қаржы мониторингі агенттігі криптовалюталарды да тәркілеуге құқылы, деп хабарлайды Qazaqpress Bizmedia.kz-ке сілтеме жасап.
ҚМА Binance халықаралық криптовалюта биржасымен өзара түсіністік туралы меморандумға қол қойды. Бұл меморандумның мақсаты – криптовалюталарға қатысты әрекеттердің мониторингін жақсартып, ынтымақтастық пен ақпарат алмасуды қамтамасыз ету.
Не себептен криптовалюта тәркілену мүмкін?
Меморандумның негізгі мақсаты – криптоактивтер мен ақпарат алмасудағы ынтымақтастықты арттыру және бір-бірін қолдау. Сонымен қатар, келісім жасасқан тараптар қылмыс жолымен қол жеткізілген виртуалды активтерге қарсы шара ойластырып, бұғаттауға, сондай-ақ жылыстатылған ақшаны немесе терроризмді қаржыландыруға арналған виртуалды активтерді бұғаттау үшін бірлесіп жұмыс істейтін болады.
Құжатқа қол қою отырысына Тигран Гамбарян, Чагри Пойраз, Ольга Гончарова және Рауан Сағидолла қатысты. Дөңгелек үстелде жиналғандар өз саласындағы маңызды тұлғалар. Binance үшін бұл аса маңызды іс-шара болды, өйткені ол ТМД аймағындағы қызметін кеңейтуге мүмкіндік берді.
Екі жақ тарап та криптовалюталардың жағдайы туралы ақпарат алмасу үшін бірлесіп жұмыс істеуге келісті.
Меморандумда қылмыскерлердің криптоактивтерін бұғаттау, ұстау және тәркілеу тәртібін ҚР белгілейді деген шешім қабылданды. Бұл қылмыскерлерге заңсыз әрекеттер арқылы пайда табуға жол бермей, қылмыстың алдын алуға көмектеседі.
Сондай-ақ құзыретті мемлекеттік органдар үшін криптовалютамен жұмыс туралы семинарлар мен тренингтер өткізіледі. Бүгінде құқық қорғау органдарын оқыту бағдарламасы Францияда, Германияда, Италияда, Ұлыбританияда, Норвегияда, Канадада, Бразилияда, Парагвайда және Израильде өткізілген болатын.
Binance жайлы қысқаша мәлімет
Binance – цифрлық активтермен сауда жасау, білім беру, зерттеулер және деректермен айналысу, қайырымдылық, инвестиция жасауға және инкубация құруға, орталықсыздандыру мен инфрақұрылымдық шешімдер сынды және т.с.с. өнімдер жиынтығын ұсынатын криптовалюта индустриясының бір бөлігі. Дәлірек айтсақ, аталған өнімдер жиынтығын ұсыну үшін блокчейн мен инфрақұрылымдарды жеткізуші.
Айырбастау қызметінің негізі 2017 жылы қаланған. Айта кетелік, Binance 2022 жылдың 21 сәуірінен бастап ресейлік қолданушылар үшін крипто платформасында саудаға тыйым салатынын мәлімдеді.
Сіз жаңалықтар туралы не ойлайсыз