Қазақстандықтарға визасыз шекарадан өтуге рұқсат еткен елдер саны артуда. Бұл тізімге Албания, Парагвай және Доминикан Республикасы қосылды, деп хабарлайды Qazaqpress Bizmedia.kz-ке сілтеме жасап.
Жуырда ҚР премьер-министрінің орынбасары – сыртқы істер министрі Мұхтар Тілеуберді үш елдің сыртқы істер министрлерімен кездесіп, визасыз режим орнату туралы келісімге қол қойды. Бұл қадам төрт елдің азаматтарына саяхаттауды жеңілдетіп, ыңғайлы ететіні сөзсіз.
Тілеуберді Нидерланды, Парагвай, Доминикан Республикасы, Албания және БАӘ сыртқы істер министрлерімен бөлек келіссөздер жүргізді. Келіссөз кезінде Тілеуберді аталған елдермен және ұйымдармен екіжақты ынтымақтастық мәселелерін талқылап, қарым-қатынасты одан әрі дамыту жолдарын қарастырды.
Қазақстан мен Албания арасындағы келіссөздер нәтижесінде визалық талапты жою туралы келісімге қол қойылды. Яғни, енді екі елдің азаматтарына өзара саяхаттау үшін виза қажет болмайды деген сөз.
Сонымен қатар Доминикан Республикасы Қазақстан Республикасымен ұлттық, дипломатиялық және қызметтік төлқұжаттары бар адамдарға визасыз саяхаттауға мүмкіндік беретін келісім жасасты.
Оған қоса Үкімет Парагвай мен Қазақстан арасындағы дипломатиялық және қызметтік паспорты бар азаматтар үшін визалық талапты жою туралы келісімге қол қойды. Енді жұмыс бабымен не дипломатиялық саяхатқа шыққан азаматтардың жолы жеңілдейтін сияқты.
Сіз жаңалықтар туралы не ойлайсыз