Bereke Bank (бұрынғы Жинақ банк) директорлар кеңесінің құрамына «Бәйтерек» ҰБХ басқарма мүшелері кіреді, деп хабарлайды Qazaqpress Bizmedia.kz-ке сілтеме жасап.
«Береке» банкінің директорлар кеңесінің жаңа құрамында: Мұхамеджанов А., Хамитов Е. және Шарлапаев К. мүшелік етеді, ал М.Мәдиев пен А.Елемесовті қосқанда директорлар кеңесінің құрамында 5 адам.
Қазақстандық Telegram арналарының бірінде директорлар кеңесі туралы қызықты жазбалар шығыпты. Жазба авторлары ДК мүшелерінің бірі енді тәуелсіз емес дейді. Жазбада Astana Hub бас директоры Мәдиев М. жайлы жазылған.
Қазіргі таңда бір ғана тәуелсіз директор бар, өзге тілмен айтқанда директорлар кеңесінің тек 20% тәуелсіз. Алайда, «Акционерлік қоғамдар туралы» заңы бойынша бұл көрсеткіш 30% кем болмау керек. Онымен қоса, жазба авторларының пайымдауынша, қаржылық реттеу жүйесінде мұндай жайттер кезінде қолданылатын шаралар бар, сондықтан алдағы уақытта директорлар құрамының ауысуы жайлы өзге де жаңалықтарды күтеміз.
Сонымен қатар авторлар директорлар кеңесінің құрамына басқарма төрағасы да кірмейтінін жазды, бірақ оны бәрібір бұрыннан келе жатқан қағидаға сәйкес құрамға қосқан көрінеді. Яғни, «Бәйтерек» тарапынан жаңа басшы тағайындалғанға дейін ресми түрде басшылық қызметін атқарғандығымен байланысты болса керек.
Банктің басқарма төрағасы лауазымына қаралған үміткерлердің бірі директорлар кеңесіне кіргенін ескерсек, бірінші басшы болып А.Мұхамеджанов тағайындалады ма әлде басқа адамды таңдайды ма деген сұрақ бар.
«Бәйтеректің» банктің толық иесі болуға асықпай жатқанында бір кілтипан бар сияқты. Бәлкім бұл Шетелдік активтерді бақылау басқармасының Қазақстанға рұқсат бермегенімен байланысты шығар. Қайткенмен, оқиға баяу дамуда.
Оған қоса банктегі шетелдік қызметкерлердің де мәселесі көпшілікті қызықтыруда. Банк бұрын шетелдіктердің меншігінде болғаны, ал кейбір бас қызметтерді шетелдіктер атқарғаны анық. Дегенмен, банк енді квазимемлекеттік болғанын ескерсек, шетелдіктердің орнын жергілікті мамандар басады деген болжам бар.
Сбербанктің аты қазақша Bereke Bank болып өзгертілді
«Жинақ банк» АҚ еншілес банкі «Bereke Bank» АҚ болып өзгертілді. Банктің аты өзгертілгені туралы ақпарат 13 қыркүйекте Қазақстан қор биржасының сайтында жарияланған құжатымен расталды.
Сіз жаңалықтар туралы не ойлайсыз