Туыстарының айтуынша, 27 жасар келіншек 2 тамыз күні сол қайғылы кеште туған күнін тойлаған екен, деп хабарлайды Qazaqpress Экспресске сілтеме жасап.
Марқұмның әпкесі «НеМолчи.kz» қоғамдық қорының жетекшісі Дина Тансариға бұл қылмыстың мән жайын егжей-тегжейлі айтып берді.
«Сол күні кешке апам күйеуімен бірге туған күнін тойлауға кафеге кетті. Күйеуі қатты қызғаншақ болғандықтан, ол балаларды анасына қалдырып кетіп отыратын. Сондықтан, олар мерекелерді де тек бірге тойлайтын. Кафе қызметкерлері мен қонақтарының айтуынша, кешкі ас кезінде жастар арасында жанжал болған. Кейін олар күйеуінің ағасының үйіне барды. Сол жерде жан түршігерлік оқиға болды», – деп марқұм әйелдің әпкесі мән-жайды баяндап берді.
Бұл қылмыстық факт негізінде ҚР Қылмыстық кодексінің 99-бабының 1-бөлігі «Адам өлтіру» бойынша сотқа дейінгі тергеу амалдары жүргізілуде, ал күдікті уақытша ұстау изоляторында.
Бірақ әйелдің туыстары бұл қылмысқа өзге де қатысы бар адамдардың жауапқа тартылуын талап етіп отыр.
«Үйлерінің ауласында әпкемді ұрып-соғып жатқанын көрген күдіктінің ағасы мен оның әйелі полицияға хабар бермеген. Дәмхана қызметкерлері жанжалдың куәгері болған, бірақ белгілі бір себептермен полицияға хабар бермеген. Барлық жазбаларды жойып тастады. Олардың барлығы да осы қылмыстың болғанына кінәлі және заң алдында жауап беру тиіс деп есептейміз», – деді марқұмның әпкесі.
Сіз жаңалықтар туралы не ойлайсыз