Қазақстанның бірнеше қаласында, соның ішінде Нұр-Сұлтанда әйелдердің зейнетке шығу жасын төмендетуіне қатысты шерулер өтті. Олар «Қазақстан әйелдері зейнет жасының ұлғайғанына және Конституция заңының бұзылуына қарсы!» ұранымен өтті, деп хабарлайды Qazaqpress Bizmedia.kz-ке сілтеме жасап.
Наразылық білдіру акциясы туралы Қазақстан әйелдер қозғалысы мәлімдеді, деп хабарлады Informburo.kz.
Қазіргі таңда Қазақстанда ерлер зейнетке 63 жасында, ал әйелдер 60 жарым жасында шығуда. Кейін кезең-кезеңімен 2027 жылға қарай әйелдер үшін зейнетке шығу жасы 63-ке дейін ұлғаяды.
Нұр-Сұлтанда Қаржы министрлігінің маңындағы саябақта наразылық акциясы өтті. Наразылық білдірушілердің көпшілігі әйелдер еді. Плакаттардың мәтініне қарағанда, олар әйелдердің зейнетке шығу жасын 53-ке дейін қайтаруды талап еткен көрінеді. Наразылық білдірушілер зейнет жасын 63-ке дейін көтергенін «әйелдер геноциді» деп қабылдады.
«Біз 90-шы жылдарды, жаһандық қаржылық дағдарысты, пандемияны басымыздан кешіріп, аман өттік, ал бізге, аналарға сонау 1996 жылдан бастап зейнет жасын сегіз жылға, ал ерлер үшін үш жылға көтертіп тастады! Олар зейнетақымен қамсыздандыру туралы заң мен Конституцияны бұзып отыр. Бұл гендерлік кемсітушілік. Конституция күнінде Елбасының Қазақстан халқына Жолдауы қарсаңында әйелдердің зейнеткерлік жасын жұмыс тәжірибесі мен мерзімін есепке алмай, 58 жасқа дейін қайтаруды талап етіп, Елбасына жүгінуде. Барлық фракциялардың депутаттары осы мәселені қарастырып, зейнетақы туралы заңға өзгертулер енгізуді талап етеміз!», – деді жиында Қазақстан әйелдер қозғалысының жетекшісі Майкен Бекарыстанова.
Зейнеткерлік: ерлер де әйелдерді қолдады
Шеру акциясына ер адамдар да қатысып, наразылық білдірушілердің талабын қолдады. Олардың арасында түрлі партия өкілдері, қоғам қайраткерлері, белсенділер мен құқық қорғаушылар болды.
«Қазір Қазақстанда орташа өмір сүру ұзақтығы қысқаруда. Бес жыл бұрын 74 жыл болса, қазір 71 жыл. Ал әйел адам 63 жаста зейнетке шықса, орташа есеппен 7-8 жыл ғана өмір сүреді», – деген болатын заңгер Төлеген Қасенов.
Наразылық акциясының тақырыбына қатысты елімізде зейнетақыны қалыптастыру процесінде ашықтық жоқ деген мәселе көтерілді. «Ақ жол» партиясының өкілі Владимир Шокарев олардың фракциясы мәселені көтеретініне уәде берді.
«Зейнетақының қалай құрылатыны белгісіз. Егер адам жұмыс істеп, бірақ зейнетақы жинағына ақша тастауға мүмкіндігі болмаса, не істеу керек? Адам өзін қорғау керек. Мемлекетімізде барлық мүмкіндіктер бар. Жыл сайын бюджеттен жүз миллиард теңгеге жуық қаржы игерілмей тұрады. Демек, қоғам әйелдерге 58 жастан бастап зейнетке шығуға рұқсат бере алады деген сөз. Отбасын құрудағы әйелдердің, аналардың, әжелердің ролі моральдық тұрғыдан бағасы теңдесіз. Біздің балаларымыз отбасында қалыптасады. Біз партия ретінде әйелдер қозғалысына толық қосыламыз және өз фракциямыздан зейнет жасын 58 жасқа дейін төмендету мәселесін көтереміз», – деді ол.
Еске сала кетелік, Қазақстанда әйелдердің зейнетке шығу жасы 2018 жылдың 1 қаңтарынан бастап кезең-кезеңімен көтеріліп, 2027 жылға қарай ер адамдармен теңестірілу мүмкін. Себебі, бұл әйелдерге жақсы зейнетақы алу үшін жеткілікті қаражат жинауға мүмкіндік береді. Бірақ, ҚР Премьер-Министрінің орынбасары Ералы Тоғжановтың айтуынша, биыл көктемде Үкімет жекелеген санаттағы азаматтардың зейнетке шығу жасын да төмендету мәселесін талқылау мүмкін.
Сіз жаңалықтар туралы не ойлайсыз