Компанияның хабарлауынша, ұшақтарды рейстен кейін тексерген кездер ішінде құстардың іздері табылған, деп хабарлайды Qazaqpress Optimism.kz-ке сілтеме жасап.
Бірінші рет құстың қалдықтары 18 тамызда Алматы-Атырау КС877 рейсін орындаған Airbus A320 ұшағының қозғалтқышында рейстен кейін тексеріс кезінде табылған. Техникалық проблеманың деңгейін анықтау үшін басқарманың жұмысы тоқтатылды. Осыған байланысты КС878 Атырау-Алматы рейсі кешіктірілген болатын.
Екінші оқиға 23 тамызда орын алды. КС912 Стамбул-Алматы рейсін орындаған Airbus A321LR ұшағын тексеру кезінде қозғалтқышқа құстың кіріп кеткен іздері табылды. Қозғалтқышты борескопиялық тексерістен өткізу қажет.
27 тамызда Нұр-Сұлтан-Алматы бағыты бойынша КС9960 рейсін орындаған Airbus A321LR ұшағын рейстен кейінгі тексеріс кезінде ұшақтың қанат астында құстың соғылған іздері табылды. Нәтижесінде ұшақтың қанатында терең ұрылған із қалып қойды. Жөндеу жұмыстарын Air Astana әуе компаниясының инженерлік-техникалық бөлімінің қызметкерлері жүргізетін болады.
28 тамыздан 29 тамызға қараған түні Airbus A320 ұшағы КС955 Алматы-Нұр-Сұлтан рейсін орындады. Экипаждың айтуынша, қонуға жақындау кезінде құстар екі қозғалтқышқа да соғылып қалған. Қону қалыпты режимде өтті. Ұшудан кейінгі тексеру қозғалтқыштарға құстардың кіргенін растады.
Сіз жаңалықтар туралы не ойлайсыз