Тексеру барысында Алматыда университет жатақханаларының жиырма шақтысы студенттерді қабылдауға дайын емес екені анықталды, деп хабарлайды Qazaqpress Bizmedia.kz-ке сілтеме жасап.
Университет жатақханалары оқу жылына әлі дайын емес
Университет жатақханаларын депутаттардан, қоғамдастық жетекшілерінен және ТЖД өкілдерінен тұратын бірлескен комиссия тексерді. Комиссия жатақханалардағы көптеген кемшіліктерді анықтады. Мәселен, Қыздар педагогикалық университетінің жатақханасында ас үйде су жоқ. Күрделі жөндеу жұмыстарына қаржы жетпейді дейді басшылық, сондықтан қолда барды тиімді пайдалануға тырысып жатқанын айтты.
Қазақ ұлттық қыздар университетінің стратегиялық даму және әлеуметтік жұмыс жөніндегі проректоры ұйымның алдында жатақхана салу, күрделі жөндеуден өткізу не қайта құру және т.б. жұмыстарды атқару үшін, қаржы жағынан мәселелер тұрғанын және оларды шешу үшін үлкен қаражат қажет екенін айтты.
«Ұйымның құқықтық мәртебесінің өзі қазірдің өзінде қаржы тарту үшін белгілі бір мәселелермен айналысу керектігін білдіреді. Мемлекет бізге бас тартпайды, бірақ мәселен, жатақхана немесе негізгі құрылыс салу, жөндеу, қайта құру және т.б. қыруар қаржыны талап ететін мәселелер бар».
Тарақандар, ескі төсектер және есіксіз босаға
Қазақ спорт және туризм академиясында құрылысшылар жөндеу жұмыстарын аяқтауға асығуда. Әкімшілік оларға алдымен таза, үлгілі студенттік бөлмелерді көрсеткенімен, кейін басқа бөлмелерді көрсетуге мәжбүр болды. Олар лас едендер, сырланған есіктер мен ескі матрацтарды тапты. Не жасыратыны бар, тіпті тарақандар да көзге түсуге асық болды.
Студенттер оқитын ғимаратта душ бөлмесі бар екен, алайда тек жертөледе орналасқан. Ал қабырғалар мен төбелердің дымқылдығы қалыпьы жағдай сияқты. Сондай-ақ, душ бөлмесі жекеленіп жуынуға мүлдем арналмаған, себебі онда перде түгілі есік те жоқ. Тексерушілер жыл сайын қайталана беретін заң бұзушылықтарды тауып, қаладағы көптеген жатақхана студенттерді қабылдауға дайын емес деп алаңдайды.
Болашақта мәселелер шешіледі
Мониторинг нәтижесінде түскен ұсыныстарды Алматы қаласы мәслихаты аяқталғаннан кейін қарастырылады. Бұл процеске білім беру кеңесі де, жоғары оқу орындарының басшылығы да атсалысып, қордаланып қалған көптеген мәселелердің шешімі табылатыны мәлімделді.
«Мониторинг аяқталғаннан кейін ұсыныстар әзірленетін болады. Әрине, біз бұл мәселені Алматы қаласының мәслихатында қарастырамыз. Әрине, «Аманат» партиясы жанындағы білім беру кеңестерінде ары қарай ұсыныстар беру арқылы қарастырамыз. Әрине, жоғары оқу орындарының басшылығы, барлығы бізге атсалыссын, өйткені проблемалар көп және шешімін талап етеді», – деп сеніммен айтты Алматы қаласы мәслихатының депутаты Әсия Ақанова.
Бірақ проблемалар көп
Қалалық жастар саясаты мәселелері басқармасының басшысы Қайыржан Меңдіғалиевтің айтуынша, енді қаладағы барлық жоғары оқу орындары Ғылым және жоғары білім министрлігінің талаптарына сәйкес студенттерді жатақханамен немесе тұрғылықты орынмен қамтамасыз етуге тиіс. Бұл көптеген университеттердегі жатақхана тапшылығына және тұрғын үй іздеуге мәжбүр болған студенттерге қатысты ұсынылған шешім.
«Енді Ғылым және жоғары білім министрлігінің біліктілік талаптарына сәйкес әрбір университет кемінде 70% мұқтаж жандарды жатақханамен немесе тұрғын үймен қамтамасыз етуге тиіс. Яғни, қазір университет жатақхана бермесе, онда оларға тұрғын үй не қонақүй табу керек».
Қазір шенеуніктер студенттердің барлығын қалай орналастыруды ойластырып жатыр. Тіпті қонақ үйлерді де жатақханаға айналдыруға болады деген болжам бар. Бұл мәселенің шешімі жақын арада табылк мүмкін, бірақ қазір әлі қарастырылуда.
Discussion about this post