Танымал блогер Мейіржан Төребаевтың үстінен қозғалған қылмыстық іс әлі сотқа түскен жоқ, тергеу жалғастырылуда, деп хабарлайды Qazaqpress Экспресске сілтеме жасап.
Алматы қалалық сотының баспасөз қызметінің хабарлауынша, Мейіржан Төребаевты қамауға алу бұлтартпау шарасы 30 тәулікке ұзартылды.
«17 тамызда істің материалдарымен танысу кезінде күдіктіге қатысты қамауда ұстау мерзімін 30 тәулікке, яғни 18 қыркүйекке дейін ұзарту туралы өтінішхат қанағаттандырылды», – делінген сот мәлімдемесінде.
Айта кетелік, қаржылық пирамидаға қатысы бар деген күдікке ілінген блогер Мейіржан Төребаевтың қамаудағы бұрынғы мерзімі ертең, 19 тамызда аяқталу тиіс болатын.
Бұған дейін оның жұбайы Дана Есеева тергеу изоляторында Төребаевтың халі туралы айтып, тіркелушілермен күйеуінің жазбасымен бөліскен болатын.
Сіз жаңалықтар туралы не ойлайсыз