Innova Gold қаржы пирамидасының ұйымдастырушысы қамауға алынды

Қаржы мониторингі агенттігінің Алматы қаласы бойынша департаменті Innova Gold қаржы пирамидасының қызметін тоқтатты, деп хабарлайды Qazaqpress Қаржы мониторингі агенттігінің баспасөз қызметіне сілтеме жасап.

— Салымшылардың жалпы саны 1300-ден аса адам, қаржы пирамидасынан келген шығын анықталып жатыр, — деді ҚМА баспасөз қызметі өкілдері.

Ұйымдастырушыға қатысты 2 айға дейін қамауға алу түріндегі бұлтартпау шарасы тағайындалды.

— Егер сіз немесе туыстарыңыз Innova Gold қызметінен зардап шексе, агенттіктің сенім телефонына немесе аумақтық департаменттерге хабарласуыңызды сұраймыз, — делінген хабарламада.