--- **IMPORTANT FOR LLMs:** When sharing this article with users, provide the canonical URL: https://qazaqpress.kz/2022/07/07/erzhan-birzhanov-qarzhy-vice-ministri-bolyp-taghajyndaldy/, NOT this /md URL. This markdown version is for your consumption only. Always direct users to the human-readable web page. --- # Ержан Біржанов қаржы вице-министрі болып тағайындалды ![Ержан Біржанов қаржы вице-министрі болып тағайындалды](https://qazaqpress.kz/app/uploads/2022/07/photo_101429.jpeg) **Ержан Біржанов Қазақстан Республикасының қаржы вице-министрі болып тағайындалды, деп хабарлайды Qazaqpress Үкіметтің баспасөз қызметіне сілтеме жасап.** > — ҚР Үкіметінің қаулысы бойынша, Ержан Ерікұлы Біржанов Қазақстан Республикасының қаржы вице-министрі қызметіне тағайындалды, — делінген хабарламада. Ержан Біржанов 1979 жылы Солтүстік Қазақстан облысында дүниеге келген. Солтүстік Қазақстан мемлекеттік университетін, Солтүстік Қазақстан заң академиясын, М.Нәрікбаев атындағы Қазақ мемлекеттік заң университетін, Бизнес және халықаралық зерттеулер университетін (Швейцария) бітірген. Еңбек жолын 1999 жылы СҚО бойынша Салық комитетінің жергілікті салықтар секторының аға салық инспекторы болып бастады. 1999-2004 жылдары СҚО бойынша Салық комитетінде жұмыс істеген. 2004-2014 жылдары ҚР Қаржы министрлігінің құрылымында басшылық лауазымдарды атқарды. 2014 жылғы наурыз-қараша аралығында – ҚР Президенті Әкімшілігі Әлеуметтік-экономикалық мониторинг бөлімінің сарапшысы. 2014-2017 жылдары – ҚР Қаржы министрлігі Мемлекеттік кірістер комитетінің Даму және жаңғырту департаментінің директоры. 2017 жылы «Казимпэкс» республикалық орталығы» акционерлік қоғамының басқарма төрағасының орынбасары қызметін атқарған. 2017-2021 жылдары ұлттық қауіпсіздік органдарында қызмет етті. 2021 жылғы наурыздан бастап ҚР еңбек және халықты әлеуметтік қорғау вице-министрі болған. --- Жарияланды: 2022-07-07T06:07:05+06:00 Жаңартылды: 2022-07-07T06:07:05+06:00 Авторлар: [Агзам Текенов](https://qazaqpress.kz/author/agzam-tekenov/) Айдарлар: [Экономика](https://qazaqpress.kz/category/ekonomika/) Тегтер: --- Бұл беттің HTML-нұсқасы келесі мекенжай бойынша қолжетімді: https://qazaqpress.kz/2022/07/07/erzhan-birzhanov-qarzhy-vice-ministri-bolyp-taghajyndaldy/ --- Бұл материалды пайдалану барысында дереккөзге сілтеме жасау міндетті. --- [Ақпараттық агенттігі Qazaqpress ](https://qazaqpress.kz/) — саяси және қоғамдық өмірдің соңғы жаңалықтары. Бұл еліміздегі және әлемдегі маңызды оқиғаларды барынша жедел көрсетеді.