4 шілдеде Л.Н.Гумилев атындағы ЕҰУ түлектерінің диплом алу салтанаты өтті, деп хабарлайды Qazaqpress.
Сәулелі дүйсенбіде Журналистика және саясаттану кафедрасының 225 студенті диплом табыстау рәсімін өткізді. Әрқайсысы бір мамандықтың иесі болғанына түлектер мен ата-аналардың қуанышында шек болмады. Сән салтанатқа Л.Н.Гумилев атындағы ЕҰУ Басқарма төрағасы, Ерлан Бәтташұлы Сыдық; «Егемен Қазақстан» республикалық жалпыұлттық газетінің бас редакторы, Аупбаев Жанболат Әлиханұлы; оқу ісі жөніндегі проректор Оңғарбаев Еркін Әнуарұлы; Қазақстан Республикасы Парламенті Сенаты төрағасының БАҚ-пен байланыс жөніндегі кеңесшісі, ҚР Ұлттық Құрылтай төрағасының орынбасары, Жексенбай Бибігүл Нұрғалиқызы; «Қазақ радиосының» саяси шолушысы, мемлекеттік аттестациялық комиссия төрағасы Махат Кәбірұлы Садық; Л.Н.Гумилев атындағы Еуразия ұлттық университетінің Академиялық мәселелер департаментінің директоры, Қашқымбаев Байжұман Балтабайұлы; «Ашық алаң» бағдармаласының тележүргізушісі, мемлекеттік аттестациялық комиссия төрағасы Мақсат Толықбай; Журналистика және саясаттану факультетінің деканы Сақ Қайрат Өмірбайұлы; Журналистика және саясаттану факультеті деканының студенттермен жұмыс жөніндегі орынбасары Болатова Гүлжауһар Жамбылқызы; Л.Н.Гумилев атындағы Еуразия ұлттық университеті ректорының кеңесшісі Зейнуллин Серікбол Жұмағалиұлы; Телерадио және қоғаммен байланыс кафедрасының меңгерушісі Дүйсенғазин Серікзат Мақсұтұлы; Саясаттану кафедрасының меңгерушісі Ғабдулина Бағыш Ахметқызы; Саясаттану кафедрасының профессоры Аскеева Гүлнар Байғановна; Баспасөз және баспа ісі кафедрасының меңгерушісі Әшірбекова Гүлмира Шайтмағанбетқызы; Журналистика және саясаттану факультеті деканының оқу ісі жөніндегі орынбасары Байғожина Дана Өмірбекқызы қатысып, магистрант, бакалавр білім алушыларына қас мамандардың жолын берсін деген ырыммен дипломды өз қолдарымен табыстады.
Келген қонақтар студенттерді жемісті күнімен құттықтап, жеңістерінің таусылмауына тілек білдірді. Айта кетелік, Ерлан Бәтташұлының айтуынша, биыл университет ел бойынша 1-ші ЖОО орнына ие болды және әлем рейтингінде 227-ші орынды иеленді. Тұғыры нық қаланған жас мамандар ұстаздарына қазақ, орыс, ағылшын тілінде алғысын білдіріп, вокалист Алина Левченконың орындауында «Выпускной» әні, жас ақын Байментаев Ерасыл Мамырұлының «Қазақ тілі» әні және Х-фактор жобасының финалисі, «Еуразия дауысы» ән байқауының Гран при иегері Дакишева Мадинаның орындауындағы әні көпшіліктің көңілін баурады.
Оған қоса түлектерге өзінің құттықтау лебізін күймен жеткізу үшін әлеуметтік ғылымдар магистрі Серіков Әл-Фараби сезім қылын шертіп, домбырамен күй төкті.
«Дүниежүзі тарихшылардың пайымдауынша, жаһандық тарих қатпарында әлемді жаулап, хан атанған ұлылардың 3 пайызының аты қалған. 7 пайызын ұлт азаттығы үшін күрескен қоғам қайраткерлері мен өз дәуірінің саясатына үлес қосқан саясаткерлер құрайды. Ал қалған пайызына адамзаттың өрбуіне септігін тигізген ғалымдар жатады. Жастық шақ мүлт өтетін кезең. Сондықтан, жастығыңыз жаздап тұрған кезде тарихи бағытыңызды дұрыс таңдауға нәсіп етсін. Жанардан жалын, жүректен сәнің, көмейден әнің кетпесін ағайын! Дипломдарың құтты болсын!», – деді Журн. және саясаттану фак. студенті, Есмагамбетов Рамазан.
Айта кетелік, 2022 жылы диплом үлгісі өзгеріп, асты-үстімен түбегейлі жаңа дизайнда жасалды. Биылғы жылдың үздік түлектері қызыл дипломның орнына алтын диплом алатын болды. Онымен қоймай, көк дипломның да дизайны кейбір өзгерістерге ұшырап, көз жаудырарлық болып шықты.
Іс-шара қонақтар мен түлектердің фотосессиясымен тәмамдалды.
Сіз жаңалықтар туралы не ойлайсыз