Ипотека – бұл үй сатып алуға берілетін несие. Бірақ, қазақстандықтар үшін ипотекадан бөлек тұрғын үйді бөліп төлеуге де мүмкіндік бар. Ипотека мен бөліп төлеу жүйесі екітүрлі. Мысалы, болашаққа жоспарлар болса, ипотека алу тиімдірек болу мүмкін, деп хабарлайды Qazaqpress Bizmedia.kz-ке сілтеме жасап.
Халық сұранысы азайғанмен, Қазақстанның кейбір аймақтарында тұрғын үй бағасы қымбаттай береді. Пәтер мен үй сатып алу-сату операциялары 52 мыңнан 30 мыңға дейін қысқарды.
Қазақстанда баспанаға сұраныстың артуына байланысты кейбір құрылыс компаниялары тұрғындарға үйді бөліп төлеуге ұсынуда. Бұл адамдар белгілі бір ақша сомасын қарызға алып, кейін оны белгілі бір уақыт аралығында қайтаратын кәдімгі ипотекамен салыстырады. Негізгі айырмашылығы тек тұрғын үй төлемін бөліп төлеу мерзімі қысқарады, бірақ ай сайынғы төлем бірнеше есе жоғарылайды.
Ипотека мен бөліп төлеу жүйесінің айырмашылығы:
Бөліп төлеу және ипотека – тұрғын үй ақысын төлеудің тәсілдері. Егер қазақстандықтар ипотека алса, ай сайын бір қалыпты бағада төлей алады, бірақ үйді толық сатып алу процесі әжептәуір созылып кетеді. Ипотека кезінде де, бөліп төлеу жүйесі кезінде де тұтынушы жоғары процентпен төлем жасайды және несие алудың шарттарына кіреді. Төлем үстіне қосылатын процент мөлшері ипотеканың процент мөлшерлемесіне байланысты.
Бөліп төлеу жүйесі тұрғын үй төлемдерін бірден емес, кезең-кезеңімен төлеуге мүмкіндік береді. Ол сіз қалтаңызға қатты ұрмай төлеуіңізге көмектеседі және пәтеріңізді көп күтпейсіз. Бірақ, кілтипаны бар.
Сатып алушыдан пәтер құнының 50 процентін бірден төлеуін талап ету мүмкін. Мысалы, бір пәтер 40 миллион тұрады дейік, оның 50% – 20 млн теңге. Ал, екінші бөлігін әдетте 24 айдың ішінде төлеуге болады.
Несиесіз және банкке қосымша процентін төлемей-ақ баспана сатып алу мүмкіндігі кез келген қазақстандыққа қолжетімді. Бірақ, ол әдіс барлық адам үшін ұтымды болады деп айта алмаймыз.
Ипотека алған дұрыс па әлде бөліп төлеу жүйесін таңдаған жөн бе?
Ипотека төлем жасаудың басқа түрлеріне қарағанда қымбаттырақ болу мүмкін, бірақ кейбір жағдайларда олар қолжетімді де қолайлы болу мүмкін. Өйткені, ипотека банкке қосымша төлем жасаулы көздейді, бірақ басқа әдістерге қарағанда төлем мерзімі ұзағырақ.
Ипотека бойынша бастапқы жарна бағдарламаға байланысты 10%-дан 20%-ға дейін болуы мүмкін, бұл салыстырмалы түрде аз жинақпен пәтер сатып алуға мүмкіндік береді.
Алғашқы жарна төлемі әдетте пәтердің жалпы құнының кемінде 50% құрайды.
Сондай-ақ ай сайынғы төлемдердің мөлшері айтарлықтай өзгеруі мүмкін. Ипотека бойынша ай сайынғы төлемдер бөліп төлеуге қарағанда айтарлықтай төмен болуы мүмкін, өйткені ипотекамен несие мерзімі әлдеқайда ұзағырақ. Бұл отбасының қаржысына түсетін ақша жүктемесін азайтады. Дегенмен, қысқа мерзімде бөліп төлеу арқылы пәтер құнының 50% дейін депозитке салу қажет, бұл жоғары деңгейдегі кірісті қажет етеді.
Ипотека — несиенің мерзіміне байланысты (шамамен 25 жылға дейін) ай сайынғы төлемдер аз болу мүмкін, бұл отбасының қаржылық жауапкершілігін жеңілдетеді.
Бөліп төлеу жүйесі — үй құнын қысқа мерзімде төлеуге мүмкіндік береді (шамамен 24 айға дейін). Алайда, пәтер бағасының 50% бірден төлеу керек. Яғни, 15 миллион теңге бөліп төлеу шартымен екі жыл бойы ай сайын 625 мың теңге төлеуге тура келеді.
Ипотека алу қаражаты аз, табыс көзі төмен азаматтар үшін тиімді шешім болу мүмкін. Өйткені, ол банкке төленетін артық төлемдердің болуына байланысты.
Бөліп төлеу жүйесі арқылы пәтер сатып алсаңыз, банкке артық төлем жасаудан құтылуыңыз мүмкін. Бірақ ол үшін қаражатыңыз мол, табысыңыз жоғары болу керек.
Сіз жаңалықтар туралы не ойлайсыз