1 маусым – Халықаралық балаларды қорғау күні қарсаңында 2022 жылғы 29 сәуір мен 20 мамыр аралығында Алматы қаласының мемлекеттік кірістер Департаменті Алматы қаласы әкімдігінің қолдауымен Алматы қаласының сыбайлас жемқорлыққа қарсы іс-қимыл департаментімен бірлесіп балалар шығармашылығының конкурсын өткізеді.
Балалар байқауын өткізудің негізгі мақсаты дарынды және талантты балаларды қолдау, отбасына, өз еліне деген сүйіспеншілікке баулу, балаларды салық салу, кеден ісі мәселелеріне бағдарлау, сыбайлас жемқорлыққа қарсы дүниетанымды қалыптастыру, сондай-ақ парасаттылық пен ықыластылық сияқты адамгершілік қасиеттерді бойға сіңіру болып табылады.
Әр бала өзіне ұнайтын нәрсені таба алады!
Осы байқау аясында балалар белгілі тақырыптар бойынша өз жұмыстарын әр түрлі техникада, мысалға маймен, акварель, сия, түрлі-түсті қарындаштар және борлармен сурет салып, шығармашылық қолөнер, Tik-tok немесе Вайн дайындай алады.
Жұмыстарды белгілі шығармашылық тұлғалар арасынан құзыретті қазылар алқасы бағалайтын болады.
Байқау жеңімпаздарын бағалы естелік сыйлықтар (велосипедтер, гироскутерлер және т.б.), грамоталар мен әсерлі фотосуреттер күтеді.
Байқауға келесі тақырыптар бойынша жұмыстар қабылданады:
– Чекті талап ет-жүлдені ұтып ал;
– Неліктен eSalyqAzamat, eSalyqBusiness мобильді қосымшаларын қолданбауға болмайды;
– Салық-болашаққа инвестиция;
– Кеден- балалар көзімен;
– Сыбайлас жемқорлықсыз әлем;
– Бір пара-екі қылмыскер;
– Сыбайлас жемқорлық фактілері туралы қайда хабарлауға болады?
Конкурс номинациялары:
– Үздік сурет;
– Үздік бұйым;
– Үздік Тикток;
– Үздік бейнеролик/vine (3 минутқа дейін)
Әрбір санат бойынша қосымша онлайн – дауыс беру арқылы Instagram @mkdalmaty_dgdalmaty парақшасында 2022 жылдың 23 мамырынан 2022 жылдың 26 мамырына дейін көрермендер көзайымы жүлдесі анықталады.
– қорытынды шығару және жеңімпаздарды хабарлау-2022 жылғы 30 мамыр.
– жүлделерді тапсыру-2022 жылғы 1 маусым.
Орындау жанры мен техникасын байқауға қатысушы анықтайды (қарындаштармен, фломастерлермен немесе бояулармен салынған суреттер, плакаттар, қағаздан және ермексаздан жасалған аппликациялар, скрапбукинг және квиллинг техникасындағы панно мен ашық хаттар, табиғи материалдардан жасалған бұйымдар, бейне және музыка).
Жұмыстың атауы, қатысушының аты-жөні, оның жасы, қатысушы өкілінің аты-жөні және байланыс телефоны жұмыстың артқы жағында немесе электрондық тасымалдағышта көрсетілуі тиіс.
Конкурсқа Алматы қаласының 4-18 жас аралығындағы тұрғындары қатыса алады (жұмыстарды Конкурсқа қатысу үшін жіберген сәтте).
Жұмыстарды қабылдау электрондық нысанда (видео, tik-tok), қолма-қол (суреттер, қолдан жасалған бұйымдар) тек алдын ала жазылу арқылы жүзеге асырылады.
Қосымша ақпарат алу үшін ұйымдастыру комитетіне хабарласыңыз:
электрондық пошта: a.dadayeva@gmail.com
Исенова Қымбат Серікқызы, 8700 208 09 96,
Дадаева Айдана Тұрсынқызы, 8701 614 55 86.
Сіз жаңалықтар туралы не ойлайсыз