Атырауда «Сұйытылған мұнай газын сақтау паркі» (СМГСП) ЖШС екі миллиард теңгеден астам заңсыз табыс тапқан. Бұл компания Нұрсұлтан Назарбаевтың күйеу баласы Тимур Кулибаевқа тиесілі. Монополист төрт жыл бойы сұйытылған газдың бағасын негізсіз жоғарылатып келген болатын, деп хабарлайды Qazaqpress Orda.kz-ке сілтеме жасап.
«2017-2021 жылдар аралығында ЖШС басшылығы өзінің үстем жағдайын пайдалана отырып, сұйытылған мұнай газын монополиялап, қабылдау, сақтау және тиеу қызметтеріне жоғары баға белгілеп, ұстады», – деп хабарлады АФМ баспасөз қызметі.
Кулибаевтың компаниясы екі миллиард 81 миллион 659 мың теңгені заңсыз жолмен тапқан еді. Бұл ақша толығымен қайтарылды.
СМГ сақтау паркі немен айналысады?
Кулибаевтың компаниясы 2009 жылы құрылып, тіркелді. 2014 жылға дейін 100% акциясы «Стандарт Газ» ЖШС-не тиесілі болған жеке кәсіптін. 2014 жылдың наурыз айында «Стандарт Газ» ЖШС Атырау мұнай өңдеу зауытының жарғылық капиталындағы 50% үлесін сатты.
«Сұйытылған мұнай газын сақтау паркі» ЖШС-нің жұмыс істеу схемасы өте қарапайым: кәсіпорын Атыраудағы мұнай өңдеу зауытында өндірілетін сұйытылған газды ішкі нарыққа және экспортқа өткізетін.
Алайда кәсіпорын бүкіл Атырау облысын газбен қамтуы тиіс болатын. Бұл туралы Қазақстан Республикасының Энергетика министрлігі ай сайын бекітетін Қазақстан Республикасының ішкі нарығына сұйытылған газ жеткізу жоспарында айтылған.
Компания Кулибаевтың қолына қалай түсті?
«Электрондық үкімет» порталының мәліметі бойынша, 2020 жылдан бері Атырау мұнай өңдеу зауыты СМГСП құрамына кірмейді. Екі жыл бұрын СМГСП аукционда «Joint Technologies» Жауапкершілігі шектеулі серіктестігіне сатылған еді.
Бұл ЖШС Тимур Кулибаев пен Раушан Сағдиеваға тиесілі. Одан бөлек, Кулибаев «Joint Technologies» және «Кипрос» ЖШС арқылы «QazaqGas», «Автогаз Трэйд» ЖШС республикалық жанар-жағармай құю станциялары желісінің, сондай-ақ «Нұртау» гольф-курортының табыс үлесіне иеленген болатын.
Сондай-ақ Joint Technologies «Алматы халықаралық әуежайы» Акционерлік қоғамның құрамындағы стратегиялық нысан болып табылатын «Алматы ЗТО» ЖШС-не берілді.
Кулибаевтың компаниясына қатысты тергеу
«Сұйытылған мұнай газын сақтау паркі» ЖШС-не қатысты қылмыстық істі тергеу Қанды қаңтар оқиғасынан кейін басталды. Тексеруге Қазақстанның отын қауымдастығының АФМ-ге өтініші себеп болған.
Энергетика министрлігі паркті Атырау мұнай өңдеу зауытының балансына қайтарғысы келетіні туралы ақпарат бар. Бұл ойды сырттай Қазақстан Республикасының Премьер-Министрі Әлихан Смайылов қолдады.
Сіз жаңалықтар туралы не ойлайсыз