Жуырда Алматы қаласында танымал гастроэнтеролог Юрий Шумков айуандықпен өлтірілген болатын, деп хабарлайды Qazaqpress Exk.kz-ке сілтеме жасап.
Полицияның айтуынша, қылмыскер дәрігерге наразы болған науқас деген нұсқамен жұмыс істеп жатыр.
Алматы қалалық гастроэнтерология институтының директоры Ляйля Тәшенова күдікті туралы аздап айтып берді. Дәл осы емдеу мекемесінде марқұм Юрий Шумков соңғы жылдары жұмыс істеген.
Күдікті 35 жасар қазақстандық Нұржан Т. институтқа кем дегенде үш рет – 1,2 ақпанда және 26 наурызда келген.
«Негізі, бұл науқас туралы жалпы… Ол өз-өзіне қол жұмсауға бейім болғаны белгілі еді… Өйткені ол институтқа келгенде оның мойнында … жіптерден қалған ізі бар. Ол бізге тек үш рет келді – консультациялар мен тексеріске. Ал, дәрігері Юрий Петрович болды», – деді Тәшенова.
Пациенттің мінез-құлқы институт қызметкерлерінің көкейіне оның психосоматикамен проблемалары бар деген күмәңді ұялатты, деп қосты ол. Науқас өз-өзіне қол жұмсауға қатысты науқастар тізімінде тұр ма деген сұраққа Ташенова былай деп жауап берді:
«Кім білсін? Психиатрларда есепте тұрса, айтпайды ғой. Ол 1987 жылы Алматы облысының тумасы. Оның нақты қай ауылда тұратынын қазір айта алмаймын. Бірінші рет ол әйелімен келгентін. Балалары бар, одан артық ақпарат жоқ. Тексерістен өткізгенде өңештің пластикалық стенозы, яғни спазмы бар екені анықталды. Шамасы мойнындағы тартылған жарасынап болар. Соңғы рет 26 наурызда эндоскопиялық тексеруден өтіп, ішек-асқазанда аздаған эрозиялар анықталды. Біз үшін, әрине, кез келген мәселе күрделі. Бірақ жалпы оның асқазанының жағдайы күрт емес».
Ташенованың айтуынша, оқиғадан кейін екінші тәулікте институтқа марқұм дәрігерде емделген науқастардан қоңыраулар келіп түсіп отырды. Трагедияға ешкім сене алмай отыр.
«Бәріміз әлі үрей үстіндеміз. Науқастар телефонға жылап екінші күні хабарласады. Юрий Петрович – білікті маман. Жақсы адам ретінде жанашыр, әрқашан көмекке келетін. Өте лайықты және адал еді. Оның басы әрқашан идеяларға толы болатын, ол орталығымыздың миы», – деп көңілін білдірді Ташенова.
Юрий Шумковпен қоштасу рәсімі 6 сәуірде Алматы қаласының гастроэнтерология институтында өтеді.
Айта кетелік, 4 сәуір күні Алматы полициясы 1975 жылы туған азаматтың айуандықпен өлтірілгені туралы хабарлаған болатын. Сол кезде күдікті қамауға алынды.
Біраз уақыттан кейін марқұмның Алматыдағы белгілі гастроэнтеролог Юрий Шумков болғаны анықталды. Полиция марқұмға оқ атқан адам өзіне наразы болған науқасы деп болжайды. Бірақ полиция қылмыстың себебі әлі анықталып жатқанын айтты.
Discussion about this post