Грузияда түсініксіз жағдайда қайтыс болған қазақстандық Әсел Айтпаеваның анасы Айсұлу Айтпаева қазақстандық тергеушілерге шағымданды, деп хабарлайды Qazaqpress Tengrinews.kz-ке сілтеме жасап.
Әйелдің айтуынша, қызының қайтыс болғанына көп ұзамай тура бір жыл болады. Дегенмен, полиция орталығы әлі күнге дейін сотқа дейінгі тергеу амалдарын жүргізіп жатыр.
«Грузиялық тергеушіге телефон соққанымда, ол өз жұмысын орындағанын айтты, ендігі шешім Қазақстан полициясының мойнында. Бірақ, Қазақстанда тергеу әлі аяқталмаған, материалдар әлі сотқа берілген жоқ. Ал мамыр айында қызымның қайтыс болғанына бір жыл болады. Олар болса тергеуді қайта-қайта шегіндіре береді. Кісі өлтірді деген күдікті Мұрат Мейірбековтің сараптамасы дайын емес. Ол өзі Қазақстанда, қандай сараптамалар жүргізіліп жатқанын білмеймін, мен олармен таныс емеспін», – деді Айсұлу Айтпаева.
Ол қазірдің өзінде ҚР Бас прокуратурасы мен Сыртқы істер министрлігіне арыз жазғанын айтты. Дегенмен, осы уақытқа дейін әйел еш нәтижеге қол жеткізе алмады.
«Бас прокуратура маған Грузиядан келген барлық құжаттарды күтіп отырғандарын айтты. Бір жарым жыл өтер ме деп қорқамын, олар дәлел мен айғақ жоқ дейді де Мейірбековты босата салатын сияқты. Тергеуші олардың адам саудасымен айналысқан ісін тексеріп жатқанын айтты. Бірақ мұның не қатысы бар, егер балам қайтыс болған болса. Мен балам үшін көбірек уайымдаймын, ал олардың дәлелдегені екінші орында.
Сондықтан осындай жағдайда мен Қазақстан Президентіне хат жаздым. Соңына дейін барамын, қажет болса БҰҰ-ға жүгінемін. Қызым Әсел кінәлі өз жазасын алғанын қалайды. Мен бұл мәселенің қазірдің өзінде көтерілгенін қалаймын. Мұны мен ғана емес, Мейірбеков те күтіп отыр, соны білемін. Ал оның ата-анасы алаңдаулы. Сондықтан соттың ашық өтуін талап етемін. Бірақ, неге екені белгісіз, біздің адамдар мұны қаламайды: кірдің көп болады деп көндіруге тырысып бағуда. Алайда мен кірден қорықпаймын, мен тек әділдікті қалаймын», – деп қорытындылады ол.
ҚР Ішкі істер министрлігінің баспасөз қызметі Мұрат Мейірбековке қатысты сотқа дейінгі тергеу жүріп жатқанын хабарлады. Оның әрекеті Қылмыстық кодекстің «Адам саудасы» 128 бабы мен «Зорлау» 120-баптарына қайшы келеді.
«Қылмыстық істі Нұр-Сұлтан қалалық Ішкі Істер Басқармасы тергеуде. Тергеу мерзімі қылмыстық-процессуалдық заңнама нормаларына сәйкес ұзартылды, алайда ол жалғасуда. Қылмыстық іс жүргізу кодексінің 201-бабына және басқа да деректерге сәйкес, сотқа дейінгі тергеп-тексеру кезінде тергеу процесін жариялауға тыйым салынған. Олар прокурордың рұқсатымен ғана жария етілуі мүмкін», – деп хабарланды Ішкі істер министрлігінде.
2021 ж. 5 мамырында белгісіз жағдайларда қайтыс болған Қазақстандық Әсел Айтпаева Грузияда тұрғын үйдің ауласында табылды. Дүние озарға дейін ол досына аудио хабарлама жібере алды, онда ер адамның оны зорлықпен қорқытып жатқаны туралы айтылған аудио-жазбасы жазылған.
Грузияның прокуратурасы қыздың зорланғанын мәлімдеді. Ал келесі күні қылмыс күдіктісі Бесик Тордуа ұсталған болатын. Ол 8 жылдан 10 жылға дейін бас бостандығынан айырылуы мүмкін. Алайда 15 шілдеде Тордуаның ауруханада қайтыс болғаны белгілі болды. Бір апта бұрын ол түзеу мекемесінен ауруханаға жатқызылды, Тордуаның өліміне ми инфарктысы себеп болдды деген болжам бар.
Грузияның бас прокуратурасы тағы Әселдің алыс туысы Мұрат Мейірбековке сырттай айып тақты. Нұр-Сұлтан полициясы оны өткен жылдың 16 мамырында ұстаған. Сот күдіктілер арасында өзара мәміле жасап, Мұратты Грузияға жұмысқа орналастырамын деген сылтаумен қызды пайдаланбақшы болып, абайсызда өліммен аяқталды деген күдікке ілінгенін хабарлады.
Сіз жаңалықтар туралы не ойлайсыз