Қазақстан Республикасының Қаржы мониторингінің агенттігі әйгілі кәсіпкерлермен қатысы бар бірнеше заңсыз майнингтік кәсіптері анықталды. Олардың қатарында Болат Назарбаев, Қайрат Шәріпбаев, Ерлан Нығматулин және т.б., деп хабарлайды Qazaqpress Nur.kz-ке сілтеме жасап.
ҚР ҚМА мәліметі бойынша, заңсыз майнинг қызметінің тұтынушылары мен кәсіпкерлер елде электр энергиясының жетіспеушілік қаупін тудырды. ҚМА мемлекеттік органдармен бірлесіп, майнинг қызметіне кешенді тексеру жүргізіп, нәтижесінде 55 майнерлер өз еркімен қызметін тоқтатып, құрал-жабдықтарын бөлшектеп, орындарын босатты.
«Өз қызметін тоқтатқан майнингтік компаниялардың қатарына Павлодар облысындағы белгілі кәсіпкерлер Болат Назарбаев пен Александр Клебанов, сондай-ақ Ақтөбе облысындағы «QazaqGaz» Ұлттық компаниясы» АҚ басқарма төрағасы Қайрат Шәріпбаевпен үлестес фирмалар және Қарағанды облысындағы танымал кәсіпкерлердің бірі Ерлан Нығматулин кіреді», – деп хабарлады ҚМА.
Сондай-ақ, 51 майнинг фермалардың заңсыз әрекеті тоқтатылды. Олар құзыретті органдарды қызметтiң басталғаны туралы мәлімдемей, техникалық шарттарсыз энергия көздерiне заңсыз қосылды, сондай-ақ салықтар мен кеден төлемдерiн төлеуден жалтарып, арнайы экономикалық маңызы бар аумақтарда негiзсiз орналасқан.
Мысалы, Қарағанды облысындағы шаруа қожалығы «Сары-Арқа» АЭА аумағында орналасқан, оның қызметі құрал-жабдық өндіру, құрылыс және металлургия болып табылады.
«Заңсыз әрекеттерді жүзеге асырған майнингтік компаниялардың арасында Forbes нұсқасы бойынша Қазақстандағы ең бай бизнесмендердің бірі Қайрат Итемгеновке қатысы бар компаниялар бар, сонымен қатар, заңсыз әрекеттерге Ішкі істер министрлігінің бұрыңғы басшысы Тілеген Мәткеновке қатысы бар компаниялар да тексерілуде», – делінген ведомство хабарламасында.
Олар жабдықтың бәрі Қытайдан, Оңтүстік Кореядан, Сингапурдан, Түркиядан және Грузиядан елге кіргізілгенін, ал кейбір жағдайларда контрабандалық жолмен жеткізілгенін айтты.
Мәселен, Алматыға Қытайдан құны 2,8 миллиард тг. 1000-нан астам майнинг техникасы жеткізілді.
«Қаржы мониторингінің агенттігінде 25 қылмыстық іс тіркеліп, жалпы құны 100 миллиард теңгеге жуық 67 мыңнан астам техника тәркіленді. ҚМА қабылдаған шаралар электр энергиясын қуаты 600 мегаватт/сағ. тұтынудың өсуін тежеуге ғана емес, энергияны босатуға да ықпал етеді.
Айта кетелік, майнинг жұмысын реттейтін жүйенің жоқтығы қаржы жүйесі мен азаматтардың әл-ауқатына қауіп төндіреді. Криптовалюта терроризмді қаржыландыру, қару-жарақ пен есірткі сатып алу құралына айналып кетуі мүмкін», – деп қорытындылады ҚР Қаржы мониторингінің агенттігі.
Сіз жаңалықтар туралы не ойлайсыз