Әлеуметтік желіде Kinopark & Kinoplexx басшысы Алмаз Малдыбаев кинотеатрлар желісінің уақытша жабылатынын айтқан видео пайда болды, деп хабарлайды Qazaqpress Nur.kz-ке сілтеме жасап.
Әртіс әрі продюсер Құралай Анарбекова Instagram парақшасында Малдыбаевпен өткізген қысқаша сұхбатымен бөлісті.
«Өкінішке қарай, Ресей арқылы жұмыс істейтін ірі Голливуд компаниялары бізге фильмдерді беруден бас тартып отыр, ал бізде 1 сәуірден бастап көрсететін ештеңе жоқ.
Сондықтан Kinopark & Kinoplexx 1 сәуірден бастап белгісіз мерзімге жабылуға мәжбүр. Кешіріңіздер, бірақ бұл өмірдің ащщы шындығы», – деді Алмаз Малдыбаев.
Компанияның ресми сайтында Kinoplexx кинотеатрлар желісімен бірге жұмыс істейтін Kinopark Theaters компаниясы Қазақстанның барлық ірі қалаларын қамтитын Орталық Азиядағы ең ірі кинокомпания болып табылады.
Кинотеатрлар желісі 2005 жылы құрылған және бүгінде 72 зал, 10147 орыны бар ірі кинотеатрлардың біріне кіреді.
Сіз жаңалықтар туралы не ойлайсыз