13 ақпанда UFC 271 аралас жекпе-жек жанкүйерлерін қызықты мейн кардпен және қазақстандық Сергей Морозовтың жекпе-жегімен қуантады. Назарларыңызға міндетті түрде көру керек деген ең қызықты үш жекпе-жекті ұсынамыз.
Дуглас Силва де Андраде (27-4-0) — Сергей Морозов (17-4-0)
Өткен жексенбіде Шавкат Рахмоновтың үлкен жеңісі қазақстандықтардың UFC-ге деген қызығушылығын арттырды. Бұл жолы ақтөбелік 32 жастағы Сергей Морозов отандастарының қолдауын күтеді. Бір жеңіс пен бір жеңілістен кейінгі үшінші жекпе-жек жанкүйерлер алдында Морозовтың әйгілі франшизадағы болашағын айқындап бермек. Оның қарсыласы – бразилиялық Дуглас Силва де Андраде аса мықты болмаса да, октагондағы тәжірибесі мол жекпе-жекші. Морозов екінші жеңіске қол жеткізу үшін біраз тер төгуі керек болады.
Исраэль Адесанья (21-1-0) — Роберт Уиттейкер (24-5-0)
Адесанья мен Уиттейкер орта салмақтағы UFC рейтингінде бірінші және екінші орындарға ие. Бұның өзі жекпе-жекті көрудің басты себебі, алайда іс жүзінде бұл күрес әлдеқайда қызығырақ болмақ. Жеңімпаз үлкен олжаға ие болады, Адесанья өзінің чемпиондық атағын қорғаса, Уиттейкер 2019 жылдың қазан айында жеңілісі үшін кек алуға ниетті. Ол алғашқы кездесуде көптеген қателіктер жібергенін мойындады, ал қазір өзінің шыңдалғанын және терең ойлайтынын жеткізді. Өз кезегінде, қазіргі чемпион құр қол отырмағандығын және өзінің жеңісіне сенімді екенін мәлімдеді.
Адесаньяның өзіне деген сенімділігін статистика да растап отыр. Ол өзінің аралас жекпе-жектегі мансабында тек бір рет қана жеңілген, жартылай ауыр салмақтағы жекпе-жекте бұрынғы чемпион Ян Блаховичпен күресіп, көздеген титулға жете алмады. Ал өз белбеуін үш рет сәтті қорғады. Уиттейкердің чемпионды тақтан тайдыруға күші жете ме?
Джаред Каннонье (14-5-0) — Дерек Брансон (23-7-0)
Каннонье мен Брансон арасындағы жекпе-жек қаңтар айында өтуі керек еді, бірақ Адесанья – Уиттейкер бастаған мейн кардты қызықты ету үшін UFC 271-ге ауыстырылды. Қарсыластар рейтингте үшінші және төртінші орында. Жеңімпаз орта салмақтағы чемпиондық титулға үміткер бола алады.
Каноне біраз уақыт бойы категориялар арасында ауысып жүрді, ол ауыр салмақтан бастап, ақырында орта салмаққа келіп тоқтады. Соңғы 5 кездесудің 4-де жеңіске жетті, тек Уиттейкерге жеңілді. Брансонда 5 жекпе-жектен тұратын жеңіс сериясы бар және сарапшылардың пікірінше қазіргі уақытта оның бабы келіп тұр. Өте икемді және әртүрлі стилі үшін Каннонье жекпе-жектің фавориті болып саналады. Уиттейкер де дәл осылай ойлайды. Алайда, екі қарсыластың да жеңіске деген құлшынысы зор, себебі осы белестен өтсе, чемпиондық титулға таласуға үміт бар.
Parimatch сайтында UFC 271-ге болжам жасаңыз және 1 000 000 теңге жүлде қорын бөлісіп алуға асығыңыз. Нәтижелерді көбірек тапсаңыз, шотыңызға көбірек бонус аласыз.
Сіз жаңалықтар туралы не ойлайсыз