Танымал қазақстандық тележүргізуші әрі кәсіпкер Динара Сәтжан БАҚ өкілдерінің табыс табу тақырыбына қатысты пікірін білдірді. Ол өзінің жалақысы жеткіліксіз екенін және бұл өз ісін ашуға себеп болғанын мойындады, деп хабарлайды Qazaqpress Nur.kz-ке сілтеме жасап.
Динараның Instagram желісіндегі жанкүйерлері одан БАҚ өкілдері қалай жақсы табыс табатынын сұрады.
«Телевидениеде жұмыс істеген кезімде 2010 жылға дейін жалақым 300 мың теңге болды, бірақ жалақым жетпегендіктен бизнеске кірістім. Содан бері менің жеке брендім маған жақсы табыс әкеле бастады. Бірақ дым істемей отыра берсеңіз ештеңе де болмайды», – деп түсіндірді тележүргізуші.
Әлеуметтік желі қолданушылары қоғамдық пікірге мән бермеуді қалай үйренуге болатынын сұрады.
«Кез келген хейт, ең алдымен, белгілі бір адамның ойлары мен сезімдерінің көрінісі. Бес минуттан кейін ол сіз туралы ұмытып та кетеді, бірақ ол сіздің бүкіл күніңізді улап жіберуі мүмкін. Сондықтан мұндай адамдарға тек түсіністікпен қараңыз. Олардың өмірінде жаман жағдайлар ғана болған соң, ішінен тек негативті төгеді», – деп Сәтжан өз ойын білдірді.
Динара жанкүйерлеріне ойландырарлық кеңес берді.
«Сенің ақылың – ой фабрикасы. Сіздің ойыңыз бен өміріңіз соларға байланысты. Жеңімпаз сияқты ойлаңыз! Ойыңызды өзгертіңіз! Өзіңізге сеніңіз! Әрбір жетістіктің артында табысқа деген сенім жатыр!», – деп қорытындылады ол.
Сіз жаңалықтар туралы не ойлайсыз